Qazaqstan men Ýkraına kólik jáne kommýnıkatsııa máselelerinde kelissózder ótkizedi

KIEV. QazAqparat - Qazaqstan Respýblıkasy Syrtqy ister mınıstrligi Investıtsııalar komıtetiniń tóraǵasy Asqar Shoqybaev Kıevte Ýkraına Syrtqy ister mınıstriniń orynbasary Evgenıı Enınmen kezdesti, dep habarlaıdy QazAqparat QR Ýkraınadaǵy elshiligine silteme jasap.

«Taraptar jaqynda ótken Qazaqstan-Ýkraına ınvestıtsııalyq forýmyna joǵary baǵa berip, eki el arasyndaǵy kópjosparly saýda-ekonomıkalyq yntymaqtastyqty damytýǵa múddeliligin rastady. Basym baǵyttar arasynda: agroónerkásiptik keshen, mashına jasaý jáne farmatsevtıka. Osy salalarda úlken tájirıbe, sondaı-aq jańa iri jobalar da bar», - delingen habarlamada.

A.Shoqybaev atap ótkendeı, eń aldymen, daıyn ónimderdi kórshi memleketterdiń naryqtaryna shyǵarý úshin QR aýmaǵynda birlesken kásiporyndar qurý týraly sóz bolyp otyr.

E. Enınniń aıtýynsha, atalǵan baǵyttar boıynsha júıeli jumys eki eldiń yntymaqtastyǵyn nyǵaıtýǵa múmkindik beredi. Sondaı-aq ol Ýkraına tarapynyń jaqyn arada saýda-ekonomıkalyq yntymaqtastyq jónindegi Qazaqstan-Ýkraına Memleketaralyq komıssııasynyń kezekti otyrysyn jáne kólik jáne kommýnıkatsııa máseleleri jónindegi ekijaqty kelissózderdi ótkizýge daıyndyǵyn rastady.

Budan bólek, Taraptar jaqynda Slovakııada ótken QR Syrtqy ister mınıstri M.Tileýberdi men Ýkraına Syrtqy ister mınıstriniń birinshi orynbasary E. Japarovanyń kezdesýi barysynda qol jetkizilgen ýaǵdalastyqtardy damytýda eki eldiń halyqaralyq uıymdar sheńberindegi ózara is-qımylyn tereńdetýdiń birqatar aspektilerin naqtylady