Qazaqstan men Ýganda fýtbol quramalary arasynda match ótpeıtin boldy
ASTANA. QazAqparat - Qazaqstan quramasynyń Ýganda komandasyna qarsy joldastyq matchy 16 maýsymda Almatynyń Ortalyq stadıonynda ótpeıtin boldy, dep habarlady Vesti.kz.
Eki eldiń fýtbol federatsııalary arasynda belgili bir ýaǵdalastyq bolǵan, alaıda oıynǵa úsh kún qalǵanda, kezdesýdi ótkizbeý sheshimi qabyldandy, resmı sebebi keıinirek aıtylatyny atap ótiledi.
16 maýsymda Qazaqstan quramasy taǵy bir afrıka eli Kabo-Verdege qarsy oıynǵa shyǵýy tıis bolatyn, alaıda qarsylastar sońǵy sátte Qazaqstanǵa kelýden bas tartty. Ýgandamen májbúrli túrde aýystyrylǵan bolatyn.
Eske salsaq, 12 maýsymda Almatyda Qazaqstan quramasy Túrkııadan 0:1 esebimen utyldy. Oıyn Eýro-2016-ǵa irikteý aıasynda ótken.
