Qazaqstan men Túrikmenstan uıymdasqan qylmysqa qarsy kúrestegi yntymaqtastyqty kúsheıtedi

ASTANA. KAZINFORM – Parlament Májilisiniń qaraýyna «Qazaqstan Úkimeti men Túrikmenstan Úkimeti arasyndaǵy qylmyskerlikke qarsy kúrestegi yntymaqtastyq týraly kelisimdi ratıfıkatsııalaý týraly» zań jobasy kelip tústi.

— Atalǵan kelisimge 2024 jylǵy qazanda Ashhabad qalasynda qol qoıyldy. Kelisim eki el arasyndaǵy uıymdasqan qylmyskerlikke, esirtki men psıhotroptyq zattardyń zańsyz aınalymyna, zańsyz kóshi-qonǵa, adam saýdasyna jáne basqa da qylmys túrlerine qarsy kúres jolynda yntymaqtastyqty kúsheıtýge baǵytalǵan. Sonymen qatar, qujat aıasynda quzyretti organdardyń ózara is-qımyl jasaý nysandary men sharttary anyqtaldy. Májilistiń Zańnama jáne sot-quqyqtyq reforma komıteti zań jobasy boıynsha qorytyndy ázirleýge daıyn, — dedi depýtat Snejanna Imasheva.

Eske salsaq, jaqynda Parlament Májilisi «Qazaqstan Úkimeti men Túrikmenstan Úkimeti arasyndaǵy ınvestıtsııany ózara kótermeleý jáne qorǵaý týraly kelisimdi ratıfıkatsııalaý týraly» zańdy qabyldady.