Qazaqstan men Túrikmenstan gaz salasyndaǵy yntymaqtastyqty keńeıtýge kelisti
ASTANA. KAZINFORM — Qazaqstan Energetıka mınıstri Almasadam Sátqalıev Túrikmenstan Mınıstrler kabıneti basshysynyń orynbasary Batyr Amanovpen jáne Túrikmenstannyń Memlekettik mınıstri – «Túrikmengaz» memlekettik kontserniniń tóraǵasy Maqsat Babaevpen kezdesti.
Kezdesýde taraptar gaz salasyndaǵy elder arasyndaǵy yntymaqtastyq pen birlesken jobalarǵa qatysý múmkindikterin talqylady.
QR Energetıka mınıstrliginiń basshysy A.Sátqalıev birlesken kúsh-jigerdiń arqasynda elder ózara tıimdi yntymaqtastyqty strategııalyq áriptestiktiń jańa deńgeıine shyǵara alatynyna senim bildirdi.
Taraptar kelissózder qorytyndysy boıynsha elderdiń gaz salasyndaǵy yntymaqtastyǵyn nyǵaıtý maqsatynda Túrikmengaz ben Qazaqstan Respýblıkasynyń Energetıka mınıstrligi arasynda nıet týraly Memorandýmǵa qol qoıdy.