Qazaqstan men Túrikmenstan arasynda júk tasymaly jeńildeýi múmkin
ASTANA. KAZINFORM — Óńirlik jáne ınfraqurylymdyq damý komıteti Ámirbek Ospanbekovtiń tóraǵalyǵymen otyrys ótkizip, úsh ratıfıkatsııalyq zań jobasyn qarady. Jobalar halyqaralyq avtomobıl tasymaldaryn damytýǵa jáne otandyq tasymaldaýshylardyń jumys jaǵdaıyn jaqsartýǵa baǵyttalǵan. Bul týraly Quryltaıdyń baspasóz qyzmeti málim etti.
— Jobalardyń biri Qazaqstan men Túrikmenstan arasynda júkterdi avtomobıl kóligimen tasymaldaýǵa ruqsatsyz júıe engizýdi kózdeıdi. Bul qazaqstandyq tasymaldaýshylarǵa ruqsat qujattaryn satyp almaı jáne 250 AQSh dollary kólemindegi alymdy tólemeı tasymaldardy júzege asyrýǵa múmkindik beredi, — delingen habarlamada.
Sondaı-aq depýtattar Qazaqstannyń Júkterdi halyqaralyq jolmen tasymaldaý sharty týraly konventsııaǵa (JTShK) qosylýy jáne halyqaralyq avtomobıl tasymaldary kezinde e-CMR elektrondyq júkqujatyn paıdalanýǵa kóshý máselelerin talqylady.
Elektrondyq júkqujat qaǵaz qujat aınalymyn, júkterdi resimdeýge jumsalatyn shyǵyndar men ákimshilik kidiristerdi azaıtýǵa, sondaı-aq logıstıkalyq protsesterdiń ashyqtyǵyn arttyrýǵa múmkindik beredi.
Zań jobalary boıynsha komıtet jumysy jalǵasady.
Buǵan deıin júk kólikteriniń salmaǵyn ólsheıtin stantsııalar sany kóbeıýi múmkin ekenin jazdyq.
