Qazaqstan men Túrkııanyń Ystanbulǵa jetýi tıis birqatar reısteri toqtatyldy
NUR-SULTAN. QazAqparat - Atatúrik áýejaıynan Ystanbul áýejaıyna kóshý sharalaryna baılanysty Qazaqstan men Túrkııanyń birqatar reısteri toqtatyldy. Bul týraly QazAqparat Azamattyq avıatsııa komıtetine silteme jasap habarlaıdy.
2019 jyldyń 5 sáýirinde Ystanbul ýaqyty boıynsha, saǵat 03-00-de jolaýshylar reısterin «Istanbul Atatürk Airport» áýejaıynan jańa «Istanbul Airport» áýejaıyna kóshirý jumystary bastaldy. Atalmysh sharalardy 6 sáýir kúni Ystanbul ýaqyty boıynsha saǵat 23-59-ǵa deıin aıaqtaý josparlanyp otyr.
Osylaısha, «Istanbul Atatürk Airport» áýejaıy bıylǵy jyldyń 6 sáýiri kúni Ystanbul ýaqyty boıynsha, saǵat 02-00-ge deıin jumysyn toqtatady. «Istanbul Atatürk Airport» áýejaıy jumysyn toqtatqan soń, barlyq kommertsııalyq ishki jáne halyqaralyq jolaýshylar reısteri 2019 jyldyń 6 sáýiri kúni saǵat 14-00-den bastap, «Istanbul Airport» áýejaıy arqyly ushyryla bastaıdy.
Osy jumystarǵa balanysty birqatar qazaqstandyq jáne túrkııalyq áýe kompanııalarynyń Ystanbulǵa ushýy tıis reısteri toqtatyldy.
«Jolaýshylarda atalǵan máselege nazar aýdarýǵa shaqyramyz»,-delingen habarlamada.
