Qazaqstan men Túrkııanyń plastıkalyq hırýrgtary jaq-bet patologııalarynyń zardabyn shegip júrgen balalarǵa 40-taı operatsııa jasaýdy josparlap otyr
ASTANA. Qazannyń 19-y. QazAqparat - Bir apta boıy - qazannyń 17-si men 23-i aralyǵynda Qazaqstan men Túrkııanyń plastıkalyq hırýrgtary jaq-bet patologııalarynyń zardabyn shegip júrgen balalarǵa 40-taı operatsııa ótkizýdi josparlap otyr, dep habarlaıdy «Ana men bala ulttyq ǵylymı ortalyǵy» AQ baspasóz qyzmeti.
Balalarǵa kómek balalardyń bet-jaq hırýrgııasyna arnalǵan master-klass barysynda jasalady. Onyń jumysyna tanymal plastıkalyq hırýrgter - Aıjan Qaıyqshyoǵly (Hadjettepe Medıtsınalyq ýnıversıteti klınıkasy, Ankara, Túrkııa), Eıvaz Latıpov (Q.A.Iassaýı atyndaǵy halyqaralyq qazaq-túrik ýnıversıteti, Túrkistan) qatysady.
«Master-klastar barysynda kepildendirilgen tegin medıtsnalyq kómek aýqymy aıasynda túrli bet-jaq patologııalary bar 30-40 aýrý balany jedel emdeý josparlanǵan», - delingen baspasóz aqparatynda. Sonymen qatar master-klass barysynda Qazaqstannyń barlyq aımaqtarynan kelgen 15 plastıkalyq hırýrg oqytý kýrstarynan ótedi.
