Qazaqstan men Túrkııanyń dıplomatııalyq baılanys ornatqanyna - 27 jyl
«Qos halyqtyń tarıhy, tili men mádenıeti - tamyrlas, dúnıetanymy men túsinigi - jaqyn. Sondyqtan ortaq bolashaqty birge baıandy etýge baǵyttalǵan birlesken jumysty júrgizýimiz zańdy. 27 jyl ishinde qazaq-túrik baılanystary saýda-ekonomıka, kólik-ınfraqurylym, týrızm, mádenıet, bilim berý, qaýipsizdik jáne taǵy basqa salalarda qarqyndy damyp, búginde jan-jaqty strategııalyq yntymaqtastyq deńgeıinde jalǵasyp jatyr. 1992 jyly 30 mln AQSh dollarymen bastalǵan ekijaqty saýda kólemi qazirgi tańda 2 mlrd dollar deńgeıinen asyp tústi», - delingen Elshiliktiń taratqan baspasóz habarlamasynda.
Elbasy Nursultan Nazarbaevtyń 2009 jyly Túrkııaǵa jasaǵan resmı sapary yntymaqtastyǵymyzdy jańa deńgeıge kóterdi. Sapar barysynda Qazaqstan men Túrkııa arasynda Strategııalyq áriptestik týraly kelisimge qol qoıyldy. Prezıdent N.Á. Nazarbaevtyń Túrkııaǵa 2018 jylǵy resmı sapary sheńberinde eki el arasyndaǵy Joǵary deńgeıli strategııalyq yntymaqtastyq keńesiniń úshinshi otyrysy ótti.
Qazaqstannyń Túrkııadaǵy Elshiliginiń málimetinshe, eki eldiń halyqaralyq arenadaǵy ustanymdary da astasyp jatyr. Qazaqstan men Túrkııa bir-biriniń halyqaralyq bastamalaryn ózara qoldap keledi. BUU, IYU, EQYU, AÓІSSh, EYU sııaqty uıymdar sheńberindegi yqpaldastyǵymyz damyp keledi. Astana úderisi jahandyq turaqtylyqqa úles qosyp otyrǵan tıimdi tetik ekenin dáleldedi. Túrki jaqyndasýynyń basty saıası uıymy sanalatyn Túrki keńesi elderimizdiń bastamasymen quryldy.
«Búginde Qazaqstan men Túrkııa Eýrazııalyq keńistiktiń mańyzdy da bedeldi oıynshylaryna aınaldy. Qazaq-túrik qatynastarynyń elderimizdiń ulttyq múddeleri jolynda odan ári damyp bekı beretinine senimdimiz», - delingen habarlamada.
