Qazaqstan men Túrkııa Syrtqy ister mınıstrleri Taıaý Shyǵystaǵy ahýaldy talqylady
ASTANA.KAZINFORM - Qazaqstan Syrtqy ister mınıstri Ermek Kósherbaev Túrkııa Respýblıkasynyń Syrtqy ister mınıstri Hakan Fıdanmen telefon arqyly sóılesti.
Suhbat barysynda mınıstrler Taıaý Shyǵystaǵy qazirgi ahýaldy jáne ony deeskalatsııalaý múmkindikterin talqylady. Túrik tarapy Túrkııa men Ázerbaıjan aýmaqtaryna jasalǵan áskerı shabýyldarǵa baılanysty eleýli alańdaýshylyq bildirdi.
Syrtqy saıası vedomstvolardyń basshylary eki el arasyndaǵy saýda-ekonomıkalyq qatynastardy odan ári damytýǵa ózara beıildiligin rastady.
Suhbat qorytyndysy boıynsha eki memlekettiń syrtqy ister jáne kólik mınıstrlikteri deńgeıinde kezdesý ótkizý týraly ýaǵdalastyqqa qol jetkizildi.
Aıta keteıik, Izraıldiń Qorǵanys armııasy Iran astanasy Tegeranda «ırandyq rejımniń ınfraqurylymyna» qarsy aýqymdy soqqylar bastalǵanyn málimdedi.
