Qazaqstan men Túrkııa sarapshylary órkenıet pen din máselelerin talqylady
Konferentsııa barysynda Qazaqstan Respýblıkasynyń Túrkııadaǵy Elshisi Abzal Saparbekuly, Halyqaralyq Túrki akademııasynyń prezıdenti Darhan Qydyráli, Konfessııaaralyq jáne órkenıetaralyq dıalogty damytý jónindegi N.Nazarbaev ortalyǵy Dinı ahýaldy taldaý jáne dintaný saraptamasy ınstıtýtynyń basshysy Erjan Baıbol, «Túrkııa-Qazaqstan» dostyq qaýymdastyǵynyń tóraǵasy Jesýrhan Tash, Qoja Ahmet ıAssaýı ýnıversıtetiniń professory Dosaı Kenjetaı, Túrkııanyń Din isteri basqarmasynyń oblystyq ýaǵyzshysy Salım Nýrsachan, QR Prezıdentiniń janyndaǵy Qazaqstan strategııalyq zertteýler ınstıtýtynyń jetekshi ǵylymı qyzmetkeri Madına Bektenova jáne Túrkııanyń Qazaqstan Respýblıkasyndaǵy Elshiliginiń Din isteri jónindegi keńesshisi Neshet Bodýr baıandama jasady.
Sarapshylar adamzat órkenıeti men dinı beıbitshiliktiń damý problemalaryn, dinı nanym-senim, mádenıet pen qoǵamnyń bir-birinen ajyraý máselelerin talqyǵa saldy.
«Túrkııa-Qazaqstan» dostyq qaýymdastyǵynyń tóraǵasy Jesýrhan Tash Qazaqstanda 140-qa jýyq etnos ókilderi men 17 konfessııalyq toptyń tatý-tátti ómir súrip jatqanyna, dinaralyq tózimdilik pen ózara túsinistiktiń joǵary deńgeıde ekendigine nazar aýartty. Mundaı toleranttylyq dinde beıbitshiliktiń, ál-aýqat pen ekonomıkalyq turaqty damýdyń kepili sanalatyndyǵyn atap ótti. Talqylaýǵa túsken másele dóńgelek ústel qatysýshylary tarapynan úlken qyzyǵýshylyq týdyrdy.
