Qazaqstan men Túrkııa prezıdentteri Alem.ai halyqaralyq jasandy ıntellekt ortalyǵyna bardy
ASTANA. KAZINFORM — Qasym-Jomart Toqaev pen Rejep Taııp Erdoǵanǵa elimizdegi basty tehnologııalyq habqa aınalýdy kózdeıtin ortalyqtyń áleýeti tanystyryldy. Bul týraly Aqordanyń baspasóz qyzmeti habarlady.
Premer-mınıstrdiń orynbasary – Jasandy ıntellekt jáne tsıfrlyq damý mınıstri Jaslan Mádıev eki el basshylaryna mýzeı ekspozıtsııasy men JI-kınoteatryn kórsetip, ortalyqtyń uzaqmerzimdi damý strategııasy týraly málimet berdi.
Sonymen qatar prezıdentterge Astana Smart City jobasy jóninde baıandaldy.
Aıta ketelik Qasym-Jomart Toqaev pen Rejep Taııp Erdoǵan Qazaqstan-Túrkııa bıznes forýmyna qatysqan edi.
