Qazaqstan men Túrkııa ósimdik sharýashylyǵy boıynsha yntymaqtastyqty damytpaq

ASTANA. QazAqparat - Qazaqstan Túrkııamen aýyl sharýashylyǵy salasynda ózara tıimdi yntymaqtastyqty belsendi damytýǵa daıyn. Bul týraly QR Aýyl sharýashylyǵy mınıstri Erbol Qarashókeev Túrkııanyń Aýyl jáne orman sharýashylyǵy mınıstrliginiń ósimdik sharýashylyǵy jónindegi bas dırektory Mehmet Hasdemırmen kezdesý kezinde málimdedi.

Ol atap aıtqanda tuqym sharýashylyǵy salasyndaǵy ózara is-qımyl, aýyl sharýashylyǵy daqyldarynyń suryptaryn synaý jáne aýyl sharýashylyǵy ósimdikteriniń genetıkalyq materıaldarymen almasý týraly aıtyp otyrǵanyn atap ótti.

Qazaqstannyń Aýyl sharýashylyǵy mınıstrliginiń basshysy túrik delegatsııasyna ósimdik sharýashylyǵy salasynda birlesken ǵylymı zertteýler júrgizý boıynsha ǵylymı-zertteý ınstıtýttarynyń jumysyn jandandyrýdy usyndy.

«Biz elderimiz arasynda qalyptasqan baýyrlastyq qatynastar men ózara túsinistikti joǵary baǵalaımyz jáne aýyl sharýashylyǵy salasyndaǵy qazaq-túrik qatynastarynyń turaqty damýyn qanaǵattanýshylyqpen atap ótemiz», - dep atap ótti mınıstr.

Eki eldiń Aýyl sharýashylyǵy mınıstrlikteri ókilderiniń kezdesýi Túrkııa prezıdenti Rejep Taıp Erdoǵannyń Qazaqstanǵa memlekettik sapary aıasynda ótti.

Aıta keteıik, 2022 jyldyń 7 aıynyń qorytyndysy boıynsha, Qazaqstan men Túrkııa arasyndaǵy aýyl sharýashylyǵy ónimderiniń taýar aınalymy 177,3 mln dollardy qurady, bul 2021 jyldyń sáıkes kezeńimen salystyrǵanda 77,6% - ǵa artyq. Qazaqstan negizinen maı, bıdaı jáne basqa da aýyl sharýashylyǵy daqyldaryn eksporttaıdy. Al túrik kúnbaǵys tuqymdary men kondıterlik ónimderdi satyp alady.

Foto: gov.kz