Qazaqstan men Túrkııa ókilderi áskerı yntymaqtastyq máselesin talqylady

NUR-SULTAN. QazAqparat - Nur-Sultanda Qazaqstan Respýblıkasynyń Qorǵanys mınıstri general-leıtenant Rýslan Jaqsylyqov Túrkııa Respýblıkasynyń Tótenshe jáne Ókiletti Elshisi Ýfýq Ekıdjımen kezdesti.

Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.

Qorǵanys vedomstvosynyń basshysy bıylǵy jyly Qazaqstan men Túrkııa arasyndaǵy dıplomatııalyq qatynastardyń ornaǵanyna 30 jyl tolǵanyn atap ótti.

Osy ýaqyt ishinde tıimdi eki jaqty áskerı yntymaqtastyq, onyń ishinde áskerı bilim berý, jaýyngerlik daıarlyq jáne áskerı-tehnıkalyq salada jolǵa qoıyldy.

Kezdesý barysynda taraptar keleshektegi ózara is-qımyldyń negizgi baǵyttaryn talqylady.