Qazaqstan men Túrkııa máńgilik dostyq jáne keńeıtilgen strategııalyq seriktestik týraly deklaratsııa qabyldaıdy
ASTANA. KAZINFORM – Qazaqstan men Túrkııa máńgilik dostyq jáne keńeıtilgen strategııalyq seriktestik týraly deklaratsııa qabyldaıdy. Bul týraly Táýelsizdik saraıynda ótip jatqan Qazaqstan men Túrkııa arasyndaǵy Joǵary deńgeıdegi strategııalyq yntymaqtastyq keńesiniń 6-otyrysynda Memleket basshysy Qasym-Jomart Toqaev aıtty.
- Búgin máńgilik dostyq jáne keńeıtilgen strategııalyq seriktestik týraly deklaratsııany qabyldaımyz. Osy mańyzdy qujat qazaq-túrik qatynastaryn damytýǵa tyń serpin beretini anyq. Bul másele boıynsha eki eldiń de nıet-tilegi bir. Sondyqtan áleýetimiz de, múmkindigimiz de mol dep aıtýǵa tolyq negiz bar, - dedi Qasym-Jomart Toqaev.
Buǵan deıin Memleket basshysy Qasym-Jomart Toqaev elimizge memlekettik saparmen kelgen Túrkııa Prezıdenti Rejep Taııp Erdoǵandy Táýelsizdik saraıynda resmı qarsy alǵan edi.
Aıta keteıik, otyrys barysynda Qazaqstan Prezıdent qazirgi tańda qazaq-túrik ekijaqty qarym-qatynasy keńeıtilgen strategııalyq seriktestik rýhynda qarqyndy damyp jatqanyn, elderimizdiń arasynda eshqandaı túıtkil joq ekenin basa aıtty.
