Qazaqstan men Túrkııa keden salasynda yntymaqtaspaq

ANKARA. QazAqparat - Qazaqstannyń Túrkııadaǵy Elshisi Abzal Saparbekuly Túrkııanyń Keden jáne saýda mınıstri Bıýlent Tıýfekchımen kezdesti, dep habarlaıdy QazAqparat tilshisi.

Ekijaqty kezdesýde Qytaı men Eýropa arasynda ortaq dáliz arqyly júk tasymaldaý máselesi sóz etildi. Taraptar jaqynda ǵana iske qosylǵan Baký-Tbılısı-Kars  temirjol dáliziniń múmkindigin paıdalaný úshin keden organdarynyń birlesip, qyzmet etýi qajet ekenine basa nazar aýdardy.

«Qazaqstan - Túrkııa úshin aımaqtaǵy eń senimdi ekonomıkalyq áriptes. Búginde ekijaqty qarym-qatynasymyz keńeıip, barlyq salalar boıynsha damyp keledi. Keden organdarymyz arasyndaǵy ekijaqty yntymaqtastyq 2003 jyly qol qoıylǵan Qazaqstan men Keden salasyndaǵy yntymaqtastyq kelisimi aıasynda júzege asyp otyr. Qazaqstannyń ósip órkendýi bizdi qýantady, óıtkeni, Qazaqstannyń qýatty bolýy aımaqta saıası ekonomıkalyq ról oınaıdy», - dedi Bıýlent Tıýfekchı.

Kezdesýde Abzal Saparbekuly Bıýlent Tıýfekchıge Qazaqstannyń dıplomatııalyq qyzmetine 25 jyl medali tabys etildi.

Aıta keteıik, qazirgi ýaqytta Qazaqstan men Túrkııa saýda aınalymy 2 mlrd AQSh dollaryn quraıdy.