Qazaqstan men Túrkııa ǵalymdary aýyl sharýashylyǵy salasynda birlesip zertteý júrgizip jatyr
ASTANA. KAZINFORM — Eki el arasynda ǵylymı seriktestik bar. Bul jóninde QR Aýyl sharýashylyǵy vıtse-mınıstri Ermek Kenjehanuly málimdedi.
— Aýyl sharýashylyǵy salasynda ǵylymı seriktestik jolǵa qoıylǵan. Bizdiń JOO-lar men ǵylymı-zertteý ınstıtýttarynyń ǵalymdary túrkııalyq áriptesterimen birlesip jumys isteıdi. Tuqym óndirisi, selektsııa baǵyttarynda ortaq zertteýler men jobalar júzege asyp jatyr, — dedi ol.
Vıtse-mınıstrdiń sózinshe, ortaq bastamalardy atqarý munymen toqtamaıdy.
— Búgingi otyrysta úkimetaralyq kelisimshartqa qol qoıyldy. Іs-qımyl jospary bekitildi. Sonyń ishinde, aýyl sharýashylyǵyna qatysty birneshe baǵyt qamtylǵan. Bul saladaǵy birlesken jumystardy jalǵastyramyz, — dedi ol.
Aıta keteıik, buǵan deıin Qazaqstan men Túrkııa arasynda aýyl sharýashylyǵy salasyndaǵy taýar aınalymy artyp kele jatqanyn jazǵanbyz.
