Qazaqstan men Túrkııa ekijaqty saýda men ózara ınvestıtsııalar kólemin arttyrýdyń jańa joldaryn izdeıdi
ASTANA. QazAqparat - Qazaqstan men Túrkııanyń mindeti - ekijaqty saýda jáne ózara ınvestıtsııalar kólemin arttyrýdyń jańa joldaryn izdeý, dep habarlady Qazaqstannyń syrtqy ister mınıstri Erlan Ydyrysov eki el arasyndaǵy Strategııalyq josparlaýdyń birlesken tobynyń úshinshi otyrysy barysynda, dep habarlaıdy QazAqparat.
«Jahandyq ekonomıkadaǵy qıyndyqtar saqtalǵan jaǵdaıdaǵy bizdiń ortaq mindetimiz - ekijaqty saýda jáne ózara ınvestıtsııalar kólemin arttyrýdyń jańa joldaryn izdeý», - dedi E. Ydyrysov.
Qazaqstannyń syrtqy saıasat vedomstvosynyń basshysy ekonomıkanyń agroónerkásip kesheni jáne ınfraqurylym, qurylys, farmatsevtıka, metallýrgııa jáne t.b. basym salalarynda «Jańa Sınergııa» ekijaqty baǵdarlamasy aıasynda iri jobalardy qarjylandyrý men iske asyrýmen aınalysatyn, birlesken Qazaqstan-Túrkııa ınvestıtsııalyq jáne ınfraqurylymdyq qorlaryn qurý jumystaryn jandandyrýdyń qajettiligine basa nazar aýdardy.
E. Ydyrysov Qazaqstannyń túrik óndirisi men kompanııalaryn ornalastyryp, keıinnen olardy Eýrazııalyq ekonomıkalyq odaq, Ortalyq Azııa, Reseı jáne Qytaı naryqtaryna shyǵarýdyń óńirlik haby bola alatyndyǵyn aıtyp ótti.
«EAEO sheńberinde taýar, kapıtal, qyzmetter men jumys kúshiniń erkin qozǵalysy kepildendirilgen, sol sebepti de Túrkııanyń iskerı ortalary Qazaqstandy 180 mln adamnan astam halqy bar ortaq naryq retinde qarastyrýy kerek», - dedi mınıstr.
Eske sala keteıik, Almatyda Qazaqstannyń syrtqy ister mınıstri Erlan Ydyrysov pen Túrkııanyń syrtqy ister mınıstri Mevlıýt Chavýshoǵly eki el arasyndaǵy Strategııalyq josparlaýdyń birlesken tobynyń úshinshi otyrysyn ótkizdi.
Syrtqy saıasat vedomstvolarynyń basshylary eki el arasyndaǵy saýda-ekonomıkalyq baılanysty keńeıtýge, sonyń ishinde Qazaqstan-Túrkııa Úkimetaralyq ekonomıkalyq komıssııasynyń tıimdi jumysyna járdemdesip, belsendi yqpal etýge kelisti, dep jazady primeminister.kz.
