Qazaqstan men Túrkııa birlesken Saýda-ónerkásip palatasyn qurady
"Túrkitildes memleketter iskerlik keńesiniń 5-otyrysynda Qazaqstan men Túrkııa arasynda birlesken Saýda-ónerkásip palatasyn qurý máseleleri talqylanady. Onyń aıasynda Túrkııamen jumys jasap jatqan salalyq qaýymdastyqtar men kásipkerler biriktiriledi. Ol bizdiń qarym-qatynastardy tereńdetýge, kedergilerdi joıýǵa qyzmet etedi", - dep atap ótti N. Áltaev.
Onyń sózinshe, birlesken Qazaqstan-Túrkııa Saýda-ónerkásip palatasynyń eki keńsesi Astanada jáne Ystanbulda ornalasady. Qazaqstan men Túrkııa arasyndaǵy saýda-ekonomıkalyq qarym-qatynastarǵa toqtalǵan N. Áltaev, ózara saýda aınalymda eń úlken úlesti Qazaqstannan Túrkııaǵa baǵyttalatyn eksport ıelenetindigin atap ótti. Biraq Qazaqstan negizinen shıkizat taýarlaryn tasymaldaıdy. Onyń aıtýynsha, jaqyn ýaqyttary Túrkitildes memleketterdiń iskerlik keńesine Ózbekstan da kiredi dep josparlanǵan.