Qazaqstan men Túrkııa arasyndaǵy áýe reısteriniń sany artady
ASTANA. QazAqparat – Almaty-Ankara baǵyty boıynsha turaqty jolaýshylar reısteri qatynaı bastaıdy. Bul týraly QazAqparat IIDM silteme jasap habarlaıdy.
«Turkish Airlines» túrik áýe kompanııasy aǵymdaǵy jyldyń 20 qarashasynan bastap A-320 jáne B-737 tıpti áýe kemelerinde aptasyna 2 reıs jıiligimen Almaty-Ankara baǵyty boıynsha turaqty jolaýshylar reısterin oryndaýdy josparlap otyr»,- delingen habarlamada.
Sonymen qatar osy jyldyń 5 jeltoqsanynan bastap Astana jáne Ankara qalalaryna arasynda aptasyna 2 reıs jıiligimen jańa reıs qatynaıtyn bolady.
Reısterdi ulǵaıtý jáne ushý geografııasyn keńeıtý Qazaqstan men Túrkııa arasyndaǵy saýda-ekonomıkalyq, iskerlik, ınvestıtsııalyq jáne týrıstik yntymaqtastyqty odan ári damytýǵa yqpal etedi.
