Qazaqstan men Túrkııa arasyndaǵy áýe reısteri maýsym aıynyń sońyna qaraı jandanýy múmkin
Indýstrııa jáne ınfraqurylymdyq damý mınıstri Beıbit Atamqulov Túrkııanyń Kólik jáne ınfraqurylym mınıstri Ádil Qaraısmaıloǵlymen telefon arqyly sóılesti.
«Taraptar eki eldiń kólik salasyndaǵy yntymaqtastyǵynyń bıylǵy jylǵy І toqsandaǵy qorytyndyny shyǵardy. Temirjol kóligimen tasymal kólemi ótken jyldyń sáıkes kezeńimen salystyrǵanda 10 paıyzǵa artyp, 239 myń tonnaǵa jetken. Avtomobıl kóligi salasynda 42% ósim bolyp, 65,2 tonnany qurady. Transkaspıı halyqaralyq kólik baǵytymen tranzıttik tasymaldaý kólemi 2 esege ulǵaıyp, 7,4 myń konteınerge jetti», delingen habarlamada.
Sonymen qatar, mınıstrler eki elde de epıdemıologııalyq jaqsarǵan jaǵdaıda barlyq sanıtarlyq talaptardy saqtap jáne jolaýshylar úshin qolaıly jaǵdaı jasaı otyryp, maýsym aıynyń úshinshi onkúndiginde áýe reısterin qaıta jandandyrý múmkindikterin talqylady.
