Qazaqstan men Túrkııa arasynda keden rásimderi jeńildemek: Májilis qujatty qabyldady

ASTANA. QazAqparat – Búgin Májilistiń jalpy otyrysynda «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy aqparat almasýdy uıymdastyrý jáne kedendik baqylaý rásimderin ońaılatý týraly kelisimdi ratıfıkatsııalaý týraly» Zańy qabyldandy, dep habarlaıdy QazAqparat tilshisi.

Atalǵan kelesimge 2022 jylǵy 10 mamyrda qol qoıylǵan

«Kelisim memleketterdiń aýmaqtary arasynda ótkiziletin taýarlar men kólik quraldary boıynsha málimetterdi elektrondyq almasý arqyly kedendik baqylaýdy júrgizýdiń tıimdiligin arttyrý jáne merzimderin qysqartý maqsatynda jasaldy. Qujattyń erejelerine sáıkes eki eldiń keden organdary aldyn ala málimetter almasýdy iske asyrýǵa jaýapty jáne tikeleı baılanystardy júzege asyrýǵa ýákilettik berilgen quzyretti laýazymdy adamdardyń tizimin aıqyndaıdy. Sondaı-aq aqparat almasýdyń Tehnıkalyq sharttaryn ázirleıdi jáne pılot jobany iske asyrýǵa kirisedi. Osy jumystar aıaqtalǵannan keıin, keden organdary málimettermen turaqty negizde almasýdy bastaıdy», - dedi Premer-Mınıstrdiń orynbasary – Qarjy mınıstri Erulan Jamaýbaev.

Jalpy, kelisim memleketter arasyndaǵy kedendik rásimderdi jeńildetýge jáne ońtaılandyrýǵa baǵyttalǵan.

«Atalǵan Kelisimdi ratıfıkatsııalaý elimiz úshin teris áleýmettik-ekonomıkalyq jáne quqyqtyq saldarlarǵa ákep soqtyrmaıdy», - dedi Qarjy mınıstri.