Qazaqstan men Túrkııa arasynda Áskerı yntymaqtastyq týraly kelisimge qol qoıyldy
Qujat Qazaqstan Respýblıkasynyń Prezıdenti Qasym-Jomart Toqaevtyń Túrkııa Respýblıkasyna memlekettik sapary aıasynda rásimdeldi.
Mınıstrlikten málim etkendeı, Qazaqstannyń Qorǵanys mınıstri Rýslan Jaqsylyqov Túrkııanyń Qorǵanys mınıstri Hýlýsı Akarmen kezdesip, onyń barysynda eki el arasyndaǵy áskerı yntymaqtastyqty retteıtin birqatar qujatqa qol qoıylǵan.
«Sonymen qatar general-polkovnık Rýslan Jaqsylyqov Túrkııa Qarýly kúshteri Arnaıy operatsııalar kúshteriniń ortalyǵynda boldy. Budan ózge Qazaqstan qorǵanys vedomstvosynyń basshysy Túrkııa Respýblıkasynyń Іshki ister mınıstri Súleıman Soılýmen kezdesti», - delingen QR Qorǵanys mınıstrliginiń habarlamasynda.
Eske sala keteıik, Qasym-Jomart Toqaev memlekettik saparmen Túrkııada júr.
Ankarada Qasym-Jomart Toqaev Ankaraǵa memlekettik sapary barysynda Túrkııa Prezıdenti Rejep Taııp Erdoǵanmen kelissóz júrgizdi.
Onyń nátıjesi boıynsha ekijaqty yntymaqtastyqty damytý maqsatynda 14 mańyzdy qujatqa qol qoıyldy.
Qasym-Jomart Toqaev pen Rejep Taııp Erdoǵan eki el arasyndaǵy qarym-qatynasty «keńeıtilgen strategııalyq seriktestik» deńgeıine kóterý týraly sheshim qabyldady.
Qazaqstan men Túrkııa Prezıdentteri keńeıtilgen strategııalyq seriktestik jóninde birlesken málimdeme jasady.
Kúnniń sońynda Qasym-Jomart Toqaev pen Rejep Taııp Erdoǵan BAQ ókilderine brıfıng ótkizdi.
Búgin Prezıdenttiń Túrkııaǵa sapary jalǵasty.
