Qazaqstan men Túrkııa arasyndaǵy bilim, medıtsına jáne ınvestıtsııalyq baılanys kúsheıip keledi
ASTANA. KAZINFORM – Qasym-Jomart Toqaev Qazaqstan men Túrkııanyń mádenı-gýmanıtarlyq baılanystary jyldan jylǵa kúsheıip kele jatqanyn jetkizdi. Bul týraly Aqordanyń baspasóz qyzmeti habarlady.
Atap aıtqanda, 2023 jyly joıqyn jer silkinisinen zardap shekken Gazıantep provıntsııasynda Qazaqstan bastamasymen Qoja Ahmet ıAsaýı atyndaǵy mektep ashyldy.
Astanada jáne Almatyda «Maarıf» qorynyń mektepterin ashý jóninde ýaǵdalastyqqa qol jetkizildi.
Qazaqstannyń 14 myńǵa jýyq azamaty Túrkııada oqıdy, al 260-qa jýyq túrik stýdenti elimizdiń joǵary oqý oryndarynda bilim alýda.
Jaqynda Shymkent qalasyndaǵy pedagogıkalyq ýnıversıtettiń janynan Túrkııadaǵy Gazı ýnıversıtetiniń fılıaly óz jumysyn bastady.
Qazaqstannyń birqatar aımaǵynda týrızm salasyna mamandanǵan túrik kompanııalary tabysty jumys istep jatyr.
Memleket basshysy bul baǵytta áli de kóptegen múmkindik bar ekenin alǵa tartyp, túrik baýyrlarymyzdy Qazaqstanmen ozyq tájirıbesin bólisýge, elimizge ınvestıtsııa salýǵa shaqyrdy.
Densaýlyq saqtaý salasyndaǵy seriktestik te qarqyndy damyp keledi. Qasym-Jomart Toqaev Túrkııanyń iri farmatsevtıka alpaýyttary – Abdi İbrahim jáne Nobel kompanııalary Qazaqstanda óndiris jelilerin iske qosqanyn atap ótti.
Kóp uzamaı Orzax Group kompanııasy Túrkistan oblysynda bıologııalyq belsendi qospalar óndiretin zaýyttyń qurylysyn bastaıdy.
YDA Group Túrkistan jáne Petropavl qalalarynda kópbeıindi aýrýhanalar salyp jatyr.
Aıta ketelik Memleket basshysy Túrkııa Prezıdentimen shaǵyn quramda kelissóz júrgizgen edi.
