Qazaqstan men Túrkııa arasynda aýyl sharýashylyǵy salasyndaǵy taýar aınalymy artyp keledi
ASTANA. KAZINFORM — Túrkııa naryǵynda, ásirese, elimizde óndirilgen dándi-burshaqty daqyldarǵa suranys joǵary. Bul jóninde QR Aýyl sharýashylyǵy vıtse-mınıstri Ermek Kenjehanuly málimdedi.
— Aýyl sharýashylyǵynda eki el arasyndaǵy taýar aınalymynyń oń dınamıkasy baıqalyp otyr. Ótken jyly bul kórsetkish 360 mıllıon AQSh dollaryna jetti. Ol aldyńǵy jylmen salystyrǵanda, 25%-ǵa artyq. Aıta ketetin jaıt — Qazaqstan ónimderiniń Túrkııaǵa jáne Túrkııa taýarlarynyń elimizge, ıaǵnı ekijaqty eksport ósip jatyr. Bul baǵyttaǵy jumystardy jalǵastyramyz, — dedi ol.
Sonymen birge, Ermek Kenjehanulynyń sózinshe, Túrkııa naryǵynda Qazaqstannyń dándi-burshaqty daqyldary erekshe suranysqa ıe. Byltyr osyndaı 395 myń tonnadan astam ónim eksporttalǵan.
— Bul kórsetkishti ulǵaıtýǵa daıynbyz. Túrkııa da qyzyǵýshylyǵyn bildirip otyr, — dedi ol.
Aıta keteıik, buǵan deıin Qazaqstan men Túrkııa strategııalyq seriktester ekeni jónindegi Djevdet Iylmazdyń málimdemesin jarııalaǵanbyz.
