Qazaqstan men Túrkııa aeroǵarysh salasyndaǵy yntymaqtastyq máselelerin talqylady

NUR-SULTAN. QazAqparat - Qazaqstan Premer-Mınıstriniń orynbasary – Syrtqy ister mınıstri Muhtar Tileýberdi «Turkish Aerospace Industries» (TAI) aeroǵarysh jáne qorǵanys-ónerkásip kompanııasynyń bas dırektory Temel Kotılmen kezdesti, dep habarlaıdy QazAqparat Qr Syrtqy ister mınıstrliginiń baspasóz qyzmetine silteme jasap.

Taraptar Qazaqstan men TAI kompanııasy arasyndaǵy yntymaqtastyq perspektıvalaryn, sonyń ishinde kompanııanyń mashına jasaý, ónerkásip jáne aeroǵarysh salasyndaǵy jobalarǵa qatysýyn, sondaı-aq birlesken óndiris qurý men tehnologııalar transfertin qurý múmkindikterin talqylady.

T.Kotıl birlesken ınvestıtsııalyq jobalardy júzege asyrý múmkindigin atap ótip, ekijaqty yntymaqtastyqqa qyzyǵýshylyǵyn bildirdi.

Kezdesý qorytyndysy boıynsha jemisti yntymaqtastyqty jalǵastyrý týraly ýaǵdalastyqqa qol jetkizildi.

«TAI» ózindik ıntegratsııalanǵan júıelerdi jobalaýmen, ázirleýmen jáne óndirýmen aınalysatyn jetekshi túrik aeroǵaryshtyq kompanııasy.

Kompanııa biregeı jabdyqtyń iri halyqaralyq óndirýshiler úshin óndiristik alań bolyp tabylady jáne 5 negizgi bıznes-segmentterde jumys isteıdi: ushaqtar, tikushaqtar, pılotsyz ushý apparattary, ǵarysh júıeleri, aeroqurylymdar.