Qazaqstan men Túrkııa adamdardy readmıssııalaý kelisimine kelmek
ASTANA. KAZINFORM – Qazaqstan men Túrkııa Úkimetteri arasynda adamdardy readmıssııalaý týraly kelisim jasalady.
Ashyq NQA portalynda Úkimettiń «Qazaqstan Respýblıkasynyń Úkimeti men Túrkııa Respýblıkasynyń Úkimeti arasyndaǵy adamdardy readmıssııalaý týraly kelisimge qol qoıý týraly» qaýly jobasy jarııalandy. Qujat Qazaqstan Respýblıkasy men Túrkııa Respýblıkasynyń aýmaqtarynda zańsyz júrgen adamdardy qabyldaý jáne tranzıtteý tártibin kózdeıdi.
- Kelisimge qol qoıý ulttyq zańnama talaptaryn buza otyryp, olardyń aýmaǵynda zańsyz júrgen adamdardy qabyldaý jáne tranzıtteý salasynda Qazaqstan Respýblıkasy men Túrkııa Respýblıkasynyń arasyndaǵy yntymaqtastyq úshin quqyqtyq negiz qalyptastyrady, sondaı-aq retteletin salada yntymaqtastyq tetigin qurýǵa jáne zańsyz kóshi-qonǵa qarsy kúrestiń tıimdiligin arttyrýǵa múmkindik beredi, - delingen qaýly jobasynda.
Buǵan deıin Qazaqstan men Eýropalyq odaq delegatsııalary vızalyq talaptardy jeńildetý jáne readmıssııa týraly kelisim jobalary boıynsha kelissózderdiń kezekti kezeńin tabysty ótkizgenin jazǵan edik.
