Qazaqstan men Túrikmenstannyń densaýlyq saqtaý mınıstrleri kezdesti
Taraptar densaýlyq saqtaý salasyndaǵy ekijaqty yntymaqtastyq máselelerin talqylap, aldaǵy birlesken jospardy aıqyndady, sondaı-aq Covid-19 koronavırýs ınfektsııasyna qarsy vaktsınoprofılaktıka jáne halyqtyń sanıtarlyq-epıdemıologııalyq salaýattylyǵy boıynsha tájirıbe almasty.
Densaýlyq saqtaý mınıstri A.Tsoı Qazaqstandaǵy ınfektsııanyń taralýyn toqtatý boıynsha qabyldanǵan is-qımyl, COVID-19-ǵa qarsy vaktsınalaý boıynsha atqarylǵan jumystar jaıly habardar etti.
«QR elektrondyq tirkeý júıesiniń derekteri boıynsha 2021 jyldyń 11 naýryzda birinshi kezekte 50 737 adam vaktsına aldy. Sonymen qatar, respýblıka boıynsha 41 829 medıtsına qyzmetkeri, 5 392 pedagog, 1 156 kúsh qurylym qyzmetkeri, 445 ýchaskelik polıtseı jáne 174 medıtsınalyq-áleýmettik mekemelerdiń personaly vaktsınalandy. Ekinshi kezeńde - 18 210 adam ekpe aldy. Negizinen aqpanda alǵashqy doza qabyldaǵan medıtsına qyzmetkerleri egildi. Vaktsınalaý kezeń-kezeńimen júrgiziledi», - dedi A.Tsoı.
Sonymen qatar, Covid-19 taralýyna baılanysty turaqsyz jaǵdaıdy eskere otyryp, A.Tsoı epıdemıologııalyq ahýalǵa qatysty turaqty aqparat almasý úshin Túrkimenstanmen áriptestikti jalǵastyrýdy usyndy.
Sonymen qatar, densaýlyq saqtaý salasyndaǵy ekijaqty yntymaqtastyqtyń mańyzdylyǵyn eskere otyryp, QR Densaýlyq saqtaý mınıstri medıtsınalyq uıymdardy, IT-tehnologııalardy, jedel járdem, MSAK jáne medıtsına ǵylymyn akkredıtteýde konsýltatıvtik jáne tehnıkalyq kómek kórsetý, QR medıtsına uıymdarynda Túrikmenstan azamattary úshin joǵary tehnologııalyq medıtsınalyq qyzmetter kórsetý boıynsha áriptestikti jalǵastyrýdyń mańyzdylyǵyn atap ótti. Sondaı-aq túrkimen medıtsına qyzmetkerleri úshin medıtsına mamandyqtary boıynsha biliktilikti arttyrý kýrstaryn uıymdastyrý da sóz boldy.
Kezdesý sońynda taraptar densaýlyq saqtaý salasyndaǵy yntymaqtastyqtyń mańyzdylyǵyn atap ótti jáne COVID-19 taralýynyń aldyn alýda ózge elderdiń tájirıbesin paıdalanýǵa senim bildirdi.
