Qazaqstan men Túrikmenstan Syrtqy ister mınıstrlikteri arasynda konsýltatsııa ótedi
ASTANA. QazAqparat – Qazaqstan men Túrikmenstan Syrtqy ister mınıstrlikteri arasynda konsýltatsııa ótedi. Bul týraly QR Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.
«Osy jyldyń 4 qazanynda onlaın formatta Qazaqstan Syrtqy ister mınıstriniń orynbasary Ermuhambet Qonyspaev pen Túrikmenstan Syrtqy ister mınıstriniń orynbasary Vep Hadjıevtiń tóraǵalyǵymen kezekti Qazaqstan-túrikmen Syrtqy ister mınıstrlikteri arasyndaǵy konsýltatsııalar ótedi», - dedi ol mınıstrlikte ótken aptalyq brıfıng barysynda.
Onyń atap ótýinshe, taraptar strategııalyq áriptestik rýhynda Qazaqstan-túrikmen yntymaqtastyǵyn odan ári nyǵaıtýdyń ózekti máselelerin, sondaı-aq joǵary jáne asa joǵary deńgeıde qol jetkizilgen ýaǵdalastyqtardy iske asyrý barysyn talqylaýdy josparlap otyr.
«Bul turǵyda aldaǵy halyqaralyq is-sharalar kestesine erekshe nazar aýdarylatyn bolady», - dedi Aıbek Smadııarov.
Foto: gov.kz
