Qazaqstan men Túrikmenstan Prezıdentteri birlesken málimdeme qabyldady
«Túrikmenstan Prezıdenti retinde Qazaqstanǵa alǵashqy memlekettik saparmen kelgenińiz úshin shynaıy rızashylyǵymdy bildiremin. Bul sapardyń aıryqsha mán-mańyzy bar. Bıyl Qazaqstan men Túrikmenstan arasynda dıplomatııalyq qarym-qatynas ornaǵanyna 30 jyl tolyp otyr. Osy kezeń ishinde yntymaqtastyǵymyz barynsha nyǵaıa tústi. Túrikmenstan biz úshin baýyrlas, dostas el. Sondaı-aq mańyzdy ári senimdi seriktes. Elderimizdiń salt-dástúri, mádenıeti, tili men dini uqsas, tarıhymyh tamyrlas. Biz túbi bir túrki halyqtarymyz», - dedi Qazaqstan Prezıdenti birlesken málimdemege qol qoıý rásimnen keıin.
Memleket basshysy eki el árdaıym bir-birine qoldaý kórsetip kele jatqandyǵyn basa aıtty.
«Osyndaı qundylyqtar eń basty baılyǵymyz. Sondyqtan baýyrlas qarym-qatynasty nyǵaıtý ortaq paryzymyz. Búgin eki eldiń múddesine saı keletin asa mańyzdy ýaǵdalastyqtarǵa qol jetkizdik. Halyqaralyq jáne óńirlik ózekti máseleler boıynsha pikir almastyq. Sondaı-aq birlesken málimdeme qabyldadyq. Birqatar mańyzdy kelisimshartqa qol qoıdyq. Osy sapar qazaq-túrikmen yntymaqtastyǵyn damytýǵa tyń serpin beredi dep senemin», - dedi Qasym-Jomart Toqaev.
Foto:akorda.kz