Qazaqstan men Túrikmenstan arasyndaǵy avtojol boıynda kópir qurylysy bastaldy

NUR-SULTAN. QazAqparat – Túrikmenstan Prezıdenti Serdar Berdimuhamedov mańyzdy kólik ınfraqurylymy nysanynyń – «Túrikmenbashy-Garabogaz-Qazaqstan shekarasy» avtomobıl joly boıyndaǵy Garabogaz kel shyǵanaǵy arqyly ótetin kópirdiń irgetasyn qalaý rásimine qatysty, dep habarlaıdy QazAqparat «Týrmenıstan segodnıa» agenttigine silteme jasap.

«Zaman talaptaryn eskere otyryp, Garabogaz kel shyǵanaǵy arqyly ótetin avtomobıl kópiriniń qurylysyn bastaýdy qolǵa alǵan durys dep sanadyq. Osy jyldyń 16 maýsymynda qabyldanǵan qaýlyǵa sáıkes, jalpy uzyndyǵy 354 metr jáne eni 21 metr bolatyn avtomobıl kópiriniń jobalyq-smetalyq qujattamasyn daıyndaý jáne salý kózdelgen. Kópir Túrikmenbashydan Garabogaz kel shyǵanaǵy arqyly Qazaqstan shekarasyna deıin aparatyn tas joldyń boıynda salynady», - dep atap ótti Serdar Berdimuhamedov.

Jańa kópir eldiń shyǵys jáne soltústik óńirleri, sondaı-aq kórshiles memleketpen aradaǵy taýar aınalymy, júk jáne jolaýshylar tasymaly kólemin aıtarlyqtaı arttyrady degen jospar bar.

Ol Túrikmenstan, Reseı, Qazaqstan, Iran men Úndistannyń júk tasymaldaýshylaryna teńiz, temirjol jáne avtomobıl kóligin paıdalanyp, eń qysqa jolmen Soltústik jáne Shyǵys Eýropa elderine shyǵýǵa múmkindik bermek.

Foto: tdh.gov.tm