Qazaqstan men Tájikstannyń syrtqy ister mınıstrleri telefon arqyly sóılesti
ASTANA. KAZINFORM – Tájik tarapynyń bastamasymen Qazaqstan Respýblıkasynyń Syrtqy ister mınıstri Ermek Kósherbaev Tájikstan Respýblıkasynyń Syrtqy ister mınıstri Sırodjıddın Mýhrıddınmen telefon arqyly sóılesti.
Tájikstan SІM basshysy áriptesin joǵary laýazymǵa taǵaıyndalýymen shyn júrekten quttyqtap, jaýapty memlekettik qyzmette tabys tiledi.
Mınıstrler ekijaqty kópqyrly yntymaqtastyqty odan ári nyǵaıtý, sondaı-aq óńirlik jáne halyqaralyq qurylymdar aıasyndaǵy ózara is-qımyldy damytý máselelerin talqylady.
Qazaqstan men Tájikstan arasyndaǵy odaqtastyq qatynastardy tereńdetýge, bıik jáne joǵary deńgeılerde qol jetkizilgen ýaǵdalastyqtardy júzege asyrýǵa barynsha yqpal etýge daıyndyq rastaldy.
Sonymen qatar suhbattastar aldaǵy is-sharalar kestesin qarastyrdy.
Eske sala keteıik, buǵan deıin Qazaqstan Syrtqy ister mınıstri Reseı Elshisin qabyldaǵanyn jazǵan edik.
