Qazaqstan men Tájikstan kólik salasyndaǵy yntymaqtastyqty damytýǵa kelisti
ASTANA. KAZINFORM – 15 mamyrda TRASEKA Úkimetaralyq komıssııasynyń XVIIІ otyrysy aıasynda Tájikstannyń kólik mınıstri Azım Ibrohım qazaqstandyq áriptesi Nurlan Saýranbaevpen kezdesti, dep habarlaıdy Kazinform agenttiginiń Dýshanbedegi menshikti tilshisi.
Azım Ibrohım Tájikstannyń Ortalyq Azııadaǵy negizgi seriktesteriniń biri retinde Qazaqstanmen kólik yntymaqtastyǵyn damytýǵa úlken mán beretinin atap ótti.
2026 jyldyń alǵashqy tórt aıynyń qorytyndysy boıynsha elder arasyndaǵy avtomobıl júk tasymalynda oń úrdis baıqalǵany atap ótildi: tasymaldaýdyń jalpy kólemi 2025 jyldyń sáıkes kezeńimen salystyrǵanda 5,8%-ǵa, al kólik quraldary sany – 17,9%-ǵa ósti.
Sondaı-aq Qazaqstan aýmaǵy arqyly temirjol tasymaly men tranzıttiń artqany atap ótildi. 2025 jyly temirjol tasymalynyń jalpy kólemi 5,6 mln tonnadan asty, bul 2024 jylǵy kórsetkishten 621 myń tonnadan astamǵa artyq.
Taraptar halyqaralyq kólik dálizderin odan ári damytý, tranzıttik rásimderdi jeńildetý, tasymaldaýdy tsıfrlandyrý jáne elder arasyndaǵy ınfraqurylymnyń syıymdylyǵyn arttyrý máselelerin talqylady.
Osyǵan deıin Qazaqstan men Tájikstan arasynda AÓK salasyndaǵy taýar aınalymy 595 mln dollarǵa jetkeni habarlandy.
