Qazaqstan men Tatarstan arasyndaǵy saýda aınalymy 1 mlrd dollarǵa jetkizilmek
ASTANA. QazAqparat - Astanada Qazaqstan men Tatarstannyń isker toptarynyń 200-den astam ókiliniń qatysýymen bıznes-forým ótti. Oǵan 3-5 shilde kúnderi Qazaqstanda jumys saparymen bolǵan Tatarstan Prezıdenti Rýstam Mınnıhanov qatysty. Bıznes forýmda sóz sóılegen QR Premer-Mınıstriniń birinshi orynbasary Asqar Mamın eki el arasyndaǵy taýar aınalymynyń áleýetin 1 mıllıard AQSh dollaryna jetkizý múmkindigi baryn atap ótti. Bul týraly Úkimet basshysynyń baspasóz qyzmetinen málim etti.
«Memleket basshysy Tatarstanǵa bıylǵy maýsym aıyndaǵy sapary barysynda osyndaı tapsyrma berdi», - deıdi A. Mamın.
2017 jyly Qazaqstan men Tatarstan arasyndaǵy saýda aınalymy 700 mln AQSh dollaryna jýyqtady. Bul, 2016 jylmen salystyrǵanda 1,7 ese (425,3 mln. AQSh dollary) kóp.
Forým aıasynda munaı-hımııa, mashına jasaý, qorǵanys ónerkásibi, kólik jáne ınnovatsııa salasyndaǵy yntymaqtastyqtyń bolashaǵy talqylandy. Bıznes-forým qorytyndysy boıynsha taraptar birlesken jobalardy júzege asyrýdyń Jol kartasyn jasaqtaýǵa kelisti.
Onyń syrtynda, QR Prezıdenti Memlekettik basqarý akademııasy men Qazan federaldyq ýnıversıteti, Qazaqstannyń Syrtqy saýda palatasy men Tatarstan saýda-ónerkásip palatasy, «Astana Hub» ІT-startap halyqaralyq tehnoparki men «Іt-park» joǵary tehnologııalar salasyndaǵy tehnoparki, «Semeı avtoqurastyrý zaýyty» JShS men «RarıTEK jóndeý-mehanıkalyq zaýyty» AAQ arasynda yntymaqtastyq týraly qujattarǵa qol qoıyldy.
Tatarstan Prezıdenti Astanaǵa jumys sapary barysynda «Astana» Halyqaralyq qarjy ortalyǵy men Islam qarjy uıymy Sammıtine qatysty.
