Qazaqstan men Tatarstan arasynda jańa áýe baǵdary ashylady
ASTANA. QazAqparat - 6 shilde kúni Qazaqstan men Tatarstan elderi astanalarynyń arasynda jańa áýe qatynasy iske qosylady.
Astanadan Qazan qalasyna qatynaıtyn Boeing 737 ushaǵy ár dúısenbi jáne beısenbi kúnderi Tarazda jáne Almatyda ushtasýymen oryndalady, dep habarlaıdy SCAT áýe kompanııasyna silteme jasaǵan LS.
Sondaı-aq tasymaldaýshy 32 áýe kemesin satyp alýdy josparlap otyr.
«Aǵymdaǵy jyldyń úshinshi toqsanynda kompanııanyń floty Bombardier CRJ 200 ushaǵymen tolyǵyp, 19 áýe kemesin quraıdy. Jańa ushaqtar ishki de, halyqaralyq reısterdi de oryndaıdy. Kompanııanyń josparynda Qazaqstannyń aımaqtyq qalalaryn Reseı qalalarymen qosý isi de bar», - dep túsindirdi kompanııada.
Baǵdar qurylymyn damytý baǵdarlamasyna sáıkes, 2015 jyly Astanadan Tom qalasyna jáne Óskemennen Novosibirge qatynaıtyn eki áýe baǵdary ashyldy. Atalǵan baǵdarlar Shymkent, Aqtaý, Atyraý, Aqtóbe, Óskemen jáne Almaty qalalaryndaǵy ushtasýlardy eskergen.
