Qazaqstan men Taıland astanalary arasynda tikeleı áýe qatynasy ashylady
ASTANA. KAZINFORM - 2026 jylǵy 11 jeltoqsannan bastap «Air Astana» avıakompanııasy Astana – Bangkok (Taıland) baǵyty boıynsha tikeleı reısterdi oryndaýdy josparlap otyr, dep habarlaıdy QR Kólik mınıstrliginiń baspasóz qyzmeti.
Reıster aptasyna eki ret Airbus A321LR áýe kemelerimen oryndalady.
Qazaqstannyń halyqaralyq marshrýttyq jelisin keńeıtý jáne qoldanystaǵy baǵyttar boıynsha reıster sanyn arttyrý jumystary júrip jatyr.
Jańa áýe baǵyty iske qosylǵannan keıin Qazaqstan men Taıland arasyndaǵy reısterdiń jalpy sany 4 baǵyt boıynsha aptasyna 20 reıske deıin ulǵaıady.
Qazirgi ýaqytta Taılandqa mynadaı baǵyttar boıynsha reıster oryndalady:
· Almaty – Phýket, aptasyna 7 reıs («Air Astana»);
· Almaty – Bangkok, aptasyna 9 reıs («Air Astana» – 6, «Thai AirAsia X» – 3);
· Shymkent – Bangkok, aptasyna 2 reıs («SCAT»).
Eki memlekettiń astanalary arasyndaǵy jańa áýe baǵyty týrıstik jáne iskerlik saparlar úshin múmkindikterdi keńeıtip, Qazaqstan men Taıland arasyndaǵy baılanystardy odan ári nyǵaıtýǵa yqpal etedi.
Osyǵan deıin FlyArystan Almatydan Qytaıdyń Chýntsın qalasyna tikeleı reıs ashqany týraly jazdyq.
