Qazaqstan men Slovenııanyń bas bapkerleri match jaıynda pikir bildirdi
Kezdesýde Qazaqstan quramasy qarsylasyna 1:2 esebimen jol berdi.
El quramasynan 24-mınýtta Maksım Samorodov gol soqsa, oǵan qarsylastar qatarynan Davıd Brekalo 47, Jan Vıpotnık 78-mınýtta eki golmen jaýap qaıyrdy.
«Jartylaı qorǵanysta qarsylastarǵa tótep berýge tyrystyq. Bul jedel shabýylǵa shyǵýǵa múmkindik beredi. Keı sátterde oılaǵanymyz júzege asty. Birinshi kezeńniń sońyna taman qarsylastar tizgindi óz qolynda ustaýǵa tyrysty. Ekinshi kezeń bastalǵan sátte standarttan óz qaqpamyzǵa gol jiberip aldyq. Endi aldaǵy oıynǵa daıyndyq júrgizemiz. Eshqandaı demalys joq. Oıynshylarǵa aldaǵy oıynǵa daıyndyq bastalatynyn aıttym. Bizde eshqandaı ýaqyt joq. Endi aldaǵy qarsylastyń oıynyn qaraıtyn bolamyz. Bapkerler soǵan baılanysty saraptama jasaıdy. Erteńge daıyndyqta aldaǵy kezdesýde negizgi quramda shyǵatyn oıynshylar anyqtalady», - dedi Qazaqstan quramasynyń bas bapkeri Magomed Adıev.
Al Slovenııa quramasynyń bas bapkeri Matıaj Kek óz suhbatynda shákirtteriniń oıynyna rıza ekenin jetkizdi.
«Bastysy, úsh upaıǵa ıe boldyq. Kezdesý ońaıǵa soqqan joq. Birinshi kezeńde bizdiń oıynymyz nashar órbidi. Oıyn báseń júrdi. Eshqandaı qaýipti bolǵan joq. Biz oıyndy júıeleýge tyrystyq. Oılaǵanymyz júzege aspady. Bizde qosalqy quramda myqty fýtbolshylar bar ekenin kezdesý kórsetti. Negizgi quram oıynshylaryn almastyrǵan fýtbolshylar bes mınýt ishinde jasyl alańda ózderin kórsetti. Bul - olardyń tarapynan jaqsy reaktsııa. Minez, ynta, senim oıyn barysyn ózgertti. Jasandy alań jaǵdaıy jáne ushaqpen uzaqqa sozylǵan saparymyzdy eseptegende búgingi oıynǵa joǵary baǵa beremin», - dedi ol.
Endi Qazaqstan quramasy óz alańynda endigi oıynyn 26 naýryzda Danııaǵa qarsy ótkizse, sol kúni Slovenııa San-Marınony qabyldaıdy.
Qos qurama synǵa túsetin H tobynda búgin Danııa - Fınlıandııa, San-Marıno - Soltústik Irlandııa quramalary sheberlik baıqasady.
Foto: wikipedia
