Qazaqstan men Sıngapýr arasynda birqatar kelisimshartqa qol qoıyldy
B.Saǵyntaev Qazaqstan - Sıngapýr bıznes-forýmyna qatysyp, osy eldiń Úkimet basshysy Lı Sıan Lýnmen kezdesti. Sonymen qatar, jetekshi ınnovatsııalyq kompanııalarmen Qazaqstan ekonomıkasyn úshinshi jańǵyrtý aıasyndaǵy yntymaqtastyq múmkindikterin talqylady.
Budan ózge, birqatar nysandy aralady. Olardyń qatarynda HDB turǵyn úı qurylysy keńsesi, A*Star ǵylym, tehnologııalar jáne zertteýler agenttigi, Biopolis ǵylymı-zertteý ortalyǵy, Fusionopolis startap-haby, sondaı-aq Modelfactory@SIMTech zaýyty bar.
Qazaqstan - Sıngapýr bıznes-forýmyna eki eldiń iskerlik ortalarynyń 500-ge jýyq ókili, memlekettik organdar men ulttyq kompanııalardyń basshylary qatysty. Іs-shara aıasynda taraptar saýda-ekonomıkalyq yntymaqtastyqty nyǵaıtý, Qazaqstan men Sıngapýrdyń bıznes qurylymdarynyń ózara is-qımylynyń basym baǵyttaryn damytý jáne perspektıvalyq ınvestıtsııalyq jobalardy iske asyrýǵa qatysty aýqymdy máseleler boıynsha pikir almasty.
Premer-Mınıstr Baqytjan Saǵyntaev «Qubylmaly Eýrazııadaǵy Qazaqstannyń róli» plenarlyq sessııasynda sóz sóıleý barysynda, Sıngapýrdyń Qazaqstannyń Ońtústik-Shyǵys Azııadaǵy asa mańyzdy saýda-ekonomıkalyq seriktesteriniń birine aınalǵanyn atap ótti. Búgingi tańda óńdeý ónerkásibi, saýda, aqparattyq-kommýnıkatsııalyq tehnologııalar, qurylys jáne qarjy salalarynda birlesken kásiporyndar jumys isteıdi. Sonymen qatar, bıznes-forýmnyń qatysýshylaryna Qazaqstanǵa ınvestıtsııa salýdyń jańa múmkindikteri týraly málimet berildi. Innovatsııalar, kólik jáne logıstıka, turǵyn úı qurylysy, sondaı-aq óńdeý ónerkásibin jáne shıkizattyq emes eksportty damytý baǵyttary boıynsha yntymaqtastyqty damytýdyń áleýetteri atalyp ótti.
Qazaqstan Úkimeti sıngapýrlyq kompanııalardy belsendi yntymaqtastyq ornatýǵa, jańa birlesken jobalardy iske asyrýǵa, oǵan qosa, «Astana» halyqaralyq qarjy ortalyǵynyń jumysyna jáne jekeshelendirý baǵdarlamasyna qatysýǵa shaqyrdy.
Budan ózge, forým barysynda AHQO Ákimshiliginiń basqarma tóraǵasy N. Qusaıynov, «Zerde» UIH» AQ basqarma tóraǵasy E. Dúrmaǵambetov, «Kazakhstan Asia Pacific Trade and Investment Chamber (KAPTIC)» prezıdenti O. Jıenqulov, «Kazakh Іnvest» UK basqarma tóraǵasy S. Tuıaqbaev, AHQO Halyqaralyq sot jáne Halyqaralyq arbıtraj ortalyǵynyń bas dırektory Krıstofer Kempbel-Holt, AHQO Ákimshiliginiń bankıng boıynsha basshysy Haıner R.T. Hartvıch, Paladigm Capital Pte Ltd basqarma tóraǵasy D. Qarasaev, Kusto Group dırektorlar keńesiniń tóraǵasy E. Tátishev sóz sóıledi.
Óz kezeginde, sıngapýr tarapynan spıker retinde Sıngapýrdyń qurmetti mınıstri, burynǵy Premer-Mınıstri Go Chok Tong, Sıngapýr Respýblıkasynyń saýda jáne ındýstrııa jónindegi aǵa memlekettik mınıstri Ko Po Kýn, Singapore Cooperation Enterprise basqarma tóraǵasy Kong Vı Mýn, Ońtústik-Azııa zertteýleri ınstıtýtynyń (ISAS) bas ǵylymı qyzmetkeri, Sıngapýr ulttyq ýnıversıteti, Bangladeshtiń burǵynǵy syrtqy ister mınıstri D-r Iftehar Ahmed Choýdhýrı, Meinhardt Group basqarma tóraǵasy Shahzad Nasım, Food Empire basqarma tóraǵasy Tan Vang Chý, CG Corp Global atqarýshy dırektory Varýn Chaýdhýrı sóz sóıledi.
Ózara is-qımyldy tereńdetý perspektıvalary «Qazaqstan - Sıngapýr iskerlik yntymaqtastyǵynyń áleýetin zerdeleý», «Qazaqstandaǵy ınvestıtsııalar: tetikter jáne tájirıbe» atty taqyryptyq sessııalarynyń aıasynda talqylandy. Budan ózge, forým alańdarynda Road Show jáne birqatar iskerlik ekijaqty kezdesýler ótkizildi.
Bıznes-forým sońynda ınvestıtsııalardy kótermeleý jáne ózara qorǵaý týraly úkimetaralyq kelisimge, sondaı-aq AKT jáne qarjy tehnologııalary, qurylys, bilim, munaı-gaz hımııasy jáne tamaq ónerkásibi salalaryndaǵy Qazaqstan men Sıngapýr arasyndaǵy yntymaqtastyqty jandandyrýǵa baǵyttalǵan qujattarǵa qol qoıyldy.
Qorytyndy qujattar:
Qazaqstan Respýblıkasynyń jáne Sıngapýr Respýblıkasynyń Úkimetteri arasyndaǵy dıplomatııalyq jáne qyzmettik/resmı pasporttardyń ıelerine vızalyq talaptardan ózara bosatý sharttary týraly kelisim;
QR Aqparat jáne kommýnıkatsııalar mınıstrligi men Sıngapýrdyń aqparattyq jáne kommýnıkatsııalyq tehnologııalar salasyndaǵy yntymaqtastyq jónindegi agenttigi arasyndaǵy ózara túsinistik týraly memorandým;
«Astana» halyqaralyq qarjy ortalyǵy men CRIMSONLOGIC PTE LTD arasyndaǵy Open Trade Blockchain ónimin engizý boıynsha ózara túsinistik týraly memorandým;
«Báıterek» UBH» AQ men ENTERPRISE SINGAPORE BOARD arasyndaǵy venchýrlyq qarjylandyrý salasyndaǵy ózara túsinistik týraly memorandým;
«Báıterek» UBH» AQ, ABC-I2BF Seed Fund JShS jáne PALADIGM CAPITAL PTE. LTD arasyndaǵy venchýrlyq qor qurý nıeti týraly memorandým;
«Kredıt24» JShS jáne POCKET MONEY PTE. LTD arasyndaǵy qarjylyq qyzmetter úshin tehnologııalardy jáne baǵdarlamalyq sheshimderdi birlesip damytý boıynsha ózara túsinistik týraly memorandým;
«Báıterek» UBH» AQ jáne Singapore Cooperation Enterprise arasyndaǵy turǵyn úı qurylysy jáne qoljetimdi baspana salasyndaǵy ózara túsinistik týraly memorandým;
«Kazakh Invest» AQ jáne International Cement Ltd, Alacem LLP arasyndaǵy Almaty oblysynda tsement zaýytyn qurastyrý jobasyn iske asyrý boıynsha ózara túsinistik týraly memorandým;
«Kazakh Invest» AQ jáne KinderWorld International Group Ltd. arasynda QR-da 12 jyldyq baǵdarlama boıynsha mektepke deıingiden bastap orta mektepte bilim berýge deıin Sıngapýr bilim berý ortalyǵyn ashý boıynsha ózara túsinistik týraly memorandým;
«Kazakh Invest» AQ jáne Pegasus Education Group Pte. Ltd arasyndaǵy QR-da orta kásiptik bilimnen joǵary bilimge deıin Sıngapýr bilim berý metropolısin ashý boıynsha ózara túsinistik týraly memorandým;
«Kazakh Invest» AQ jáne WESTGASOIL PTE. LTD arasyndaǵy metanol jáne olefınder shyǵarý zaýytynyń qurylysy jobalaryn súıemeldeý boıynsha ózara túsinistik týraly memorandým;
«Kazakh Invest» jáne CG FOODS GLOBAL Pte. Ltd, Lotus Food LLP arasyndaǵy jyldam daıyndalatyn kespe shyǵarý jobasyn iske asyrý boıynsha ózara túsinistik týraly memorandým.
Budan bólek, jumys sapary aıasynda Baqytjan Saǵyntaev Sıngapýr Premer-Mınıstri Lıa Sıan Lýnmen kezdesý ótkizdi. Áńgime barysynda syrtqy saýda aınalymynyń oń dınamıkasy atap ótildi: ótken jyldyń qorytyndylary ekijaqty taýar aınalymynyń 35% artýyn kórsetip otyr. Sonymen qatar, yntymaqtastyqtyń barlyq baǵyttary boıynsha ózara is-qımyldy odan ári ulǵaıtý úshin zor áleýettiń bary atap ótildi. Atap aıtqanda, ınnovatsııalar jáne AT, kólik jáne logıstıka, ındýstrııalandyrý, qurylys, bilim jáne ǵylym, densaýlyq saqtaý salalarynda yntymaqtastyq ornatýǵa bolady.
Taraptar elder arasynda tsıfrlandyrý, «aqyldy qalalardy» ilgeriletý, ınnovatsııalyq jeli qurý men kıberqaýipsizdikti damytý boıynsha yntymaqtastyq ornatý úshin ashylyp otyrǵany keń múmkindikterdiń mindetterin aıqyndady. B. Saǵyntaev yntymaqtastyqty odan ári damytýǵa tarıhı turǵydan Qazaqstan Prezıdenti N. Nazarbaev pen Sıngapýrdyń negizin qalaǵan tulǵa Lı Kýan ıÝdiń jeke dostyǵyna negizdelgen eki el arasynda ornaǵan jyly qarym-qatynas ta, halyqaralyq máseleler men álemdik damýǵa qatysty tásilderiniń uqsastyǵy da yqpalyn tıgizetinin atap ótti. Qazaqstan memleketti Sıngapýr men basqa da damyǵan ozyq elderdiń kóptegen ádistemeleri men tájirıbelerin alý arqyly jańǵyrtý jolymen kele jatyr.
Sıngapýrde sonymen qatar yntymaqtastyqty damytýdyń kóptegen máseleleri men birlesken jobalardy iske asyrý boıynsha iri ınnovatsııalyq kompanııalardyń ókilderimen birqatar ekijaqty kezdesýler ótti.
Sonymen qatar, Qazaqstan Premer-Mınıstri Sıngapýrǵa jumys sapary aıasynda birqatar nysandarǵa baryp, zamanaýı tehnologııalarmen jáne ınnovatsııalarmen tanysty. Olardyń ishinde HDB Sıngapýrdy damytý jáne turǵyn úı qurylysy keńesiniń keńsesi, «Fusionopolis» startap-hab, «Biopolis» bıomedıtsınalyq ǵylymdar ortalyǵy, Sıngapýrdyń saýda jáne ónerkásip mınıstrliginiń ǵylym, tehnologııalar jáne zertteýler agenttigi («A*Star»), sonymen qatar Modelfactory@SIMTech «úlgi zaýyty» bar.
