Qazaqstan men Shveıtsarııa arasyndaǵy jaqsy qarym-qatynas bolashaqta da damyp otyratyn bolady - Mıshlın Kalmı-Reı
ASTANA. 7 sáýir. QazAqparat - Memleket basshysy Nursultan Nazarbaevty prezıdenttik saılaýdaǵy tamasha jeńisimen Shveıtsarııa Konfederatsııasynyń Prezıdenti Mıshlın Kalmı-Reı quttyqtady.
Bul týraly QR Prezıdentiniń baspasóz qyzmeti habarlady.
Jedelhat mátininde bylaı delingen:
Qurmetti Prezıdent myrza,
Men úshin Shveıtsarııa Federaldi Keńesiniń atynan Sizdi Qazaqstan Respýblıkasynyń Prezıdenti bolyp qaıta saılanýyńyzǵa oraı shyn júrekten quttyqtaý úlken mártebe.
Elderimiz arasyndaǵy jaqsy qarym-qatynas bolashaqta da damyp otyratyndyǵyna senimdimin.
Shveıtsarııa Konfederatsııasynyń Prezıdenti
Mıshlın Kalmı-Reı
Bern,2011 jylǵy 4 sáýir.
