Qazaqstan men Shveıtsarııa arasyndaǵy yntymaqtastyq baılanystyń damýyna eshqandaı kedergi joq
STANA. Naýryzdyń 18-i. QazAqparat - Búgin QR Parlamenti Májilisiniń Tóraǵasy Oral Muhamedjanov Shveıtsarııa Konfederatsııasynyń Qazaqstan Respýblıkasyndaǵy Tótenshe jáne Ókiletti elshisi Stefan Nellen myrzany qabyldady,
dep habarlaıdy QazAqparat.
Kezdesýde Májilis Tóraǵasy Qazaqstan men Shveıtsarııa áriptestik baılanysty nyǵaıtyp kele jatqanyn aıta kelip, eki el arasyndaǵy saýda aınalymy qarjy daǵdarysy kezinde báseńdegenmen, aldaǵy kezeńde joǵarǵy qarqynǵa ıe bolatynyna senim bildirdi.
Qazaqstan men Shveıtsarııa arasyndaǵy yntymaqtastyq baılanystyń damýyna eshqandaı kedergi joq. Taraptar osyndaı ortaq pikir aıtty.
Elshi sońǵy jyldary eki el arasyndaǵy baılanystyń jańa deńgeıge kóterilgenin, munaı salasyn ıgerýde birlese atqaratyn ister kóp ekenin aıtty.
Májilis Tóraǵasy Qazaqstannyń EQYU-ǵa tóraǵalyq etýi jáne basqa da elimizdiń syrtqy saıasattaǵy ustanǵan kózqarasy jaıly áńgimeledi.
Taraptar saýda-ekonomıkalyq aınalymdy jaqsartý, tájirıbe almasý úshin eki el Parlamentteri arasyndaǵy dostyq tobynyń jumysyn jandandyryp, baılanysty damytýdyń mańyzdy ekenin aıtty.
Kezdesý sońynda Májilis Tóraǵasy Elshiniń Qazaqstandaǵy mártebeli qyzmetine tabys tiledi.
