Qazaqstan men Shveıtsarııa arasyndaǵy saýda aınalymy 14% artty
ASTANA. QazAqparat - Búgin Aqtaýda Qazaqstan Respýblıkasynyń Investıtsııalar jáne damý mınıstri Jeńis Qasymbek Shveıtsarııanyń ekonomıka, bilim jáne zertteý bóliminiń basshysy Iohann Shnaıder-Ammanmen kezdesti, dep habarlaıdy QazAqparat tilshisi.
Jeńis Qasymbek 2017 jyly Qazaqstan men Shveıtsarııa arasyndaǵy syrtqy saýda aınalymy 3 mlrd. AQSh dollarynan asatynyn atap ótti. Bul 2016 jylǵa qaraǵanda 14% joǵary. Sol kezeńde Qazaqstanǵa Shveıtsarııa eksporty da 14 paıyzǵa ósti.
«Shveıtsarııa biz úshin Qazaqstannyń Eýropadaǵy strategııalyq jáne mańyzdy saýda-ekonomıkalyq áriptesi. Bizdiń búgingi kezdesýimiz saýda-ekonomıkalyq baılanystardy odan ári nyǵaıtýǵa, ózara múddeli salalardaǵy ózara qarym-qatynas salalaryn keńeıtýge degen umtylysymyzdyń taǵy bir dáleli », - dep atap ótti Qazaqstan Respýblıkasynyń Investıtsııalar jáne damý mınıstri.
Sońǵy 12 jylda Shveıtsarııadan Qazaqstanǵa tikeleı ınvestıtsııalardyń jalpy aǵyny 20 mlrd. AQSh dollarynan asty. Búgingi kúni Qazaqstanda energetıka, kólik, ınnovatsııa, medıtsına sııaqty salalarda Shveıtsarııa kapıtalynyń qatysýymen 300-den astam birlesken kásiporyn jumys isteıdi.
Ioxann Shnaıder-Ammann óziniń kelesi sapary ekijaqty yntymaqtastyqty nyǵaıtýǵa baǵyttalǵanyn jáne Shveıtsarııada ınnovatsııa men tsıfrlandyrýdyń damýy týraly aıtty.
QR Investıtsııalar jáne damý mınıstri Jeńis Qasymbek ekijaqty yntymaqtastyqty odan ári tereńdetýge daıyn ekenin bildirdi.
Kezdesý sońynda qymbat metaldar men olardyń ónimderine taldaý belgilerin ózara taný týraly kelisim jasaý jóninde birlesken málimdemege qol qoıyldy.
Osy kelisimniń jasalýy elder arasyndaǵy taýar saýdasyn arttyrýǵa kómektesedi, óndirýshilerdiń naryqtarǵa ózara kirý múmkindigin ashady.
2016 jyly «Baǵaly metaldar jáne baǵaly tastar týraly» Qazaqstan Respýblıkasynyń Zańy qabyldanǵandyǵyn atap ótý kerek. Osyǵan baılanysty osy saladaǵy yntymaqtastyqty keńeıtý ózekti másele bolyp otyr.
Birlesken málimdemege qol qoıylǵannan keıin ishki úılestirýdiń qosymsha rásimi jáne Shveıtsarııa Konfederatsııasynyń Federaldyq Keńesi men Qazaqstan Respýblıkasynyń Úkimeti arasyndaǵy baǵaly metaldarǵa jáne olardan jasalǵan buıymdarǵa qatysty belgilerdi ózara taný týraly tıisti kelisim rəsimdeldi.
