Qazaqstan men shetel telearnalarynda «Beımálim Qazaqstan» derekti fılmi kórsetiledi

ALMATY. QazAqparat - Almatyda «Beımálim Qazaqstan» derekti fılminiń kórsetilimi ótti, dep habarlaıdy QazAqparat tilshisi.

«Beımálim Qazaqstan» derekti fılmin «Jastarǵa jol» qoǵamdyq qory usyndy.

Qazirgi ýaqytta túsirilim tolyǵymen aıaqtalyp, derekti fılmniń alǵashqy maýsymy kórermen nazaryna usynýǵa daıyn.

«Qazaqstan» qonaqúıinde ótken derekti fılmniń kórsetilimine qazaqstandyq belgili qoǵam jáne saıası qaıratkerler, sondaı-aq, jobanyń demeýshileri men halyqaralyq seriktesteri qatysty.

«Jastarǵa jol» qoǵamdyq qorynyń prezıdenti Rafael Gasanovtyń aıtýynsha, «Beımálim Qazaqstan» - derekti fılmniń nusqasynda shyǵaryldy.

«Fılmniń bir maýsymynan 10 serııa shyǵady. Árbir serııada Qazaqstannyń belgisiz jerleri týraly aıtylyp, kórsetiletin bolady. Ekinshiden, elimizdiń Tuńǵysh Prezıdentiniń qolymen jasalǵan tarıhty kórsetý mańyzdy. Úshinshiden, elimizdi ekran arqyly jańa formatta kórsetý bolsa, tórtinshiden, derekti fılm úsh tilde, ıaǵnı, qazaq, orys jáne aǵylshyn tilderinde shyǵady. Biz halyqaralyq uıymdar men dıplomatııalyq mıssııalardyń dıplomattarymen kelissózder júrgizdik , bizdiń fılm TMD jáne AQSh aýmaǵynda kórsetiledi. Mine, bizdiń negizgi maqsat - osy», - dedi Rafael Gasanov.

Aıta keteıik, burynyraq «Beımálim Qazaqstan» fılmi «STV» telearnasynda kórsetilgen.

Rafael Gasanovtyń aıtýynsha, derekti fılmniń jańa nusqasy qazaqstandyq jáne sheteldik telearnalarda kórsetiledi.

Jyl sońyna deıin alǵashqy on serııasy kórsetilip qalý kerek. Jalǵasy kelesi jyly bolady.