Qazaqstan men Shell jańa munaı-gaz jobalaryn talqylady
ASTANA. KAZINFORM - Qazaqstan Respýblıkasy Premer-mınıstriniń birinshi orynbasary Nurlybek Nálibaev «Shell» kontserniniń Qazaqstandaǵy aǵa vıtse-prezıdenti ári tóraǵasy Sıýzann Kýganmen kezdesti, dep habarlaıdy Úkimettiń baspasóz qyzmeti.
Kezdesý barysynda munaı-gaz salasyndaǵy yntymaqtastyqty damytý, sonyń ishinde birlesken jobalardy júzege asyrý jáne ınvestıtsııalyq ózara is-qımyldy keńeıtý máseleleri qaraldy.
Taraptar ekijaqty yntymaqtastyqtyń damyp kele jatqanyn jáne buǵan deıin qol jetkizilgen ýaǵdalastyqtardyń júzege asyrylyp jatqanyna toqtaldy. Atap aıtqanda, bıylǵy naýryz aıynda Qazaqstan Respýblıkasy Energetıka mınıstrligi men «Shell Qazaqstan» kompanııasy Aqtóbe oblysyndaǵy «Jańaturmys» ýchaskesinde geologııalyq barlaý jumystaryn júrgizýge arnalǵan kelisimshartqa qol qoıdy.
Premer-mınıstrdiń birinshi orynbasary elimizde geologııalyq barlaý qyzmetin keńeıtý baǵytynda júıeli jumystar júrgizilip jatqanyn atap ótip, «Jańaturmys» jobasyn jetildirilgen modeldik kelisimshart sheńberinde júzege asyrýdyń mańyzdylyǵyna toqtaldy.
Sonymen qatar júzdesý barysynda elimizdiń energetıka salasy úshin strategııalyq mańyzy bar Qarashyǵanaq jáne Qashaǵan jobalaryn júzege asyrý máseleleri qozǵaldy. Taraptar óndiristik kórsetkishterdiń turaqtylyǵyn qamtamasyz etý jáne jobalardy ári qaraı damytý qajettigin atap ótildi.
Sondaı-aq «Shell» kompanııasynyń elimizdiń batys óńirlerindegi áleýmettik mańyzy bar jobalardy qarjylandyrý máselesine erekshe nazar aýdaryldy.
Kezdesý sońnda taraptar uzaqmerzimdi yntymaqtastyqty odan ári nyǵaıtýǵa nıetti ekenderin jetkizdi.
Osyǵan deıin úkimette munaı-gaz jáne kólik salasyn damytý máseleleri qaraldy.
