Qazaqstan men Seıshel araldary arasynda tikeleı áýe reısi ashylmaq

ASTANA. QazAqparat - Azamattyq avıatsııa komıtetiniń tóraǵasy Talǵat Lastaev pen Seıshel araldary Respýblıkasynyń Kólik mınıstri Entonı Derıakýes kezdesýi barysynda Qazaqstan men Seıshel araldary arasyndaǵy tikeleı áýe reısin ashý máselesi talqylandy. Bul týraly QazAqparat Azamattyq avıatsııa komıtetine silteme jasap habarlaıdy.

Kelissózder qorytyndysy boıynsha taraptar tarıhta alǵash ret memorandýmǵa qol qoıdy, oǵan sáıkes eki eldiń taǵaıyndalǵan tasymaldaýshylary ár taraptan áýe kemesiniń kez kelgen túrimen elder arasynda aptasyna 7 turaqty reısti oryndaý quqyǵyna ıe boldy.

Mınıstr Entonı Derıakýestiń aıtýynsha, «Eır Seıshel» ulttyq avıakompanııasy qol qoıylǵan qujat negizinde kelesi jyldyń qańtarynda Vıktorııa - Almaty baǵyty boıynsha elderimiz arasynda tikeleı reıs ashýdy josparlap otyr.
Taraptar eki el arasyndaǵy týrıstik jáne mádenı yntymaqtastyqty odan ári damytý úshin tikeleı áýe qatynasynyń mańyzdylyǵyn atap ótti.