Qazaqstan men Serbııa saýda yntymaqtastyǵyn ártaraptandyrýǵa nıetti
ASTANA. KAZINFORM — Astana halyqaralyq forýmy sheńberinde Premer-mınıstr orynbasary — ulttyq ekonomıka mınıstri Serik Jumanǵarın Serbııanyń ishki jáne syrtqy saýda mınıstri ıAgoda Lazarevıchpen kezdesti, dep habarlaıdy Úkimettiń baspasóz qyzmeti.
Kezdesýde taraptar eki memlekettiń kóshbasshylary deńgeıinde qalyptasqan ekijaqty turaqty yntymaqtastyq serpinin atap ótti. Serik Jumanǵarın Qazaqstan Serbııany Ortalyq Eýropadaǵy mańyzdy saýda áriptesi retinde tanıdy. Saýda-ekonomıkalyq baılanystarǵa erekshe nazar aýdarylyp otyr: 2024 jylǵy qorytyndy boıynsha eki el arasyndaǵy taýar aınalymy 9,7%-ǵa artyp, 1$00 mln-ǵa jetti. Bul rette qazaqstandyq eksport 39,4%-ǵa ósti. 2025 jylǵy qańtar–naýryzdaǵy ózara saýdanyń ósýi 30%.
Qazaqstan polıpropılen, mıneraldyq tyńaıtqysh pen kondıterlik ónim sııaqty Serbııaǵa eksporttalatyn taýarlar jelisin keńeıtýge daıyn ekenin bildirdi.
Kezdesýge qatysýshylar Úkimetaralyq komıssııa men Іskerlik keńestiń áleýetin iske qosýdyń, sondaı-aq negizgi ekijaqty jobalardy iske asyrýdyń, atap aıtqanda Astana men Belgrad arasynda tikeleı áýe qatynasyn ornatýdyń mańyzdylyǵyn atap ótti. SCAT qazaqstandyq avıakompanııasy marshrýtty pysyqtaýǵa kirisip te ketti. Qazaqstan Serbııa tarapynan, sonyń ishinde áýe tasymalyndaǵy besinshi erkindik quqyǵyn berý múmkindigin de qamtıtyn qoldaýǵa senedi.
Qazaqstandyq tarap serbııalyq kompanııalardy ınvestıtsııalyq jobalarǵa, onyń ishinde agroóńdeý men farmatsevtıka salasyna belsene qatysýǵa shaqyryp, serb ındýstrııasynyń joǵary eksporttyq áleýetin atap kórsetti.
Bir kún buryn AHF alańynda Serik Jumanǵarın Horvatııanyń ekonomıka mınıstri Ante Shýshnıarmen kezdesken edi. Taraptar, ásirese, energetıka salasyndaǵy ekijaqty qatynastardy, ekonomıkalyq yntymaqtastyqty odan ári nyǵaıtýdy talqylady. Eki jaq, sondaı-aq, ınfraqurylymdyq jobalar, IT-sektor, aýyl sharýashylyǵy men farmatsevtıka ónerkásibi salasyndaǵy yntymaqtastyqty damytýǵa múddeli ekenderin bildirdi.
Osyǵan deıin Úkimette TMU-ǵa múshe memleketter arasyndaǵy ózara yntymaqtastyq talqylandy.