Qazaqstan men Serbııa Prezıdentteri qandaı máselelerdi qozǵady

  ASTANA. QazAqparat - Elbasy Nursultan Nazarbaev Qazaqstanǵa resmı saparmen kelgen Serbııa Prezıdenti Aleksandr Výchıchpen qandaı máseleler talqylanǵanyn aıtty, dep habarlaıdy QazAqparat tilshisi.

«Meniń resmı shaqyrýymdy qabyl alyp, Qazaqstanǵa resmı saparmen alǵash ret kelip otyrǵan Serbııa prezıdenti Aleksandr Výchıch myrzaǵa, delegatsııa múshelerine rızashylyǵymdy bilderemin. Joǵary deńgeıde ótkende búgingi kelissózderimiz tabysty boldy dep sanaımyn. Kezdesý barysynda eki eki eldiń arasyndaǵy kóp salaly qarym-qatynastyń  barlyq túkpirlerin aralap shyqtyq. Sony qalaı damytamyz degen suraqqa jaýap izdedik», - dedi Elbasy BAQ ókilderine arnalǵan birlesken málimdeme barysynda.

Memleket basshysy eń birinshi saýda-ekonomıkalyq seriktestikke mán berilgenin,  bul baǵytta qolda  bar áleýetti tolyq paıdalana almaı júrgenimizdi basa aıtty.

 «Sondaı-aq, ózekti halyqaralyq, óńirlik máselelerge erekshe kóńil bólindi. Qazaqstan men Serbııa arasyndaǵy yqpaldastyǵymyzdy odan ári tereńdete túsýge ýaǵdalastyq. Oǵan zor senim bar», - dedi Nursultan Nazarbaev. 

Aıta keteıik, Serbııa basshysy Qazaqstan Prezıdenti Nursultan Nazarbaevtyń shaqyrýymen resmı saparmen kelip otyr. Búgin mártebeli meıman Aqordada Nursultan Nazarbaevpen kezdesý ótkizdi.

Kezdesý barysynda Nursultan Nazarbaev Serbııa Prezıdentin «Dostyq» ordenimen marapattady. 

Al Aleksandr Výchıch Qazaqstan Prezıdentine óz eliniń eń joǵary nagradasy «Serbııa Respýblıkasy» ordenin tabys etti.

Sapar aıasynda Aleksandr Výchıch Qazaqstan-Serbııa iskerlik forýmyna, Álemdik jáne dástúrli dinder kóshbasshylarynyń VI seziniń ashylýyna qatysady dep josparlanǵan.

Serbııa prezıdentiniń sapary barysynda birqatar mańyzdy qujattarǵa qol qoıylmaq. Onyń ishinde Qazaqstan men Serbııa úkimetteri arasyndaǵy qylmysqa qarsy kúrestegi yntymaqtastyq týraly kelisim, sondaı-aq, Qazaqstannyń Qoǵamdyq damý mınıstrligi men Serbııanyń jastar saıasaty jáne soprt mınıstrligi arasyndaǵy ózara túsinistik týraly memorandým bar.