Qazaqstan men Serbııa beıbit atom energetıkasy boıynsha tájirıbe almasý múmkindigin qarastyrady

ASTANA. KAZINFORM — Qazaqstan men Serbııa beıbit atom energetıkasy boıynsha tájirıbe almasý múmkindigin qarastyrady. Bul týraly Aqordada Serbııa Prezıdenti Aleksandr Výchıchpen kelissózderden keıingi BAQ ókilderine arnalǵan birlesken málimdeme barysynda Memleket basshysy Qasym-Jomart Toqaev aıtty. 

— Kólik jáne logıstıka salasyndaǵy yntymaqtastyqty keńeıtýge aıryqsha nazar aýdardyq. Byltyr Astana men Belgrad arasynda tikeleı áýe reısi ashyldy. Bul — yqpaldastyǵymyzdy damytý jolyndaǵy mańyzdy qadam. Sondaı-aq Transkaspıı halyqaralyq kólik dáliziniń tranzıttik múmkindikterin tıimdi paıdalaný, júk tasymaldaıtyn jańa baǵyttar ashý máselesine toqtaldyq, — dedi Prezıdent.

Memleket basshysy mártebeli meımanmen ınfraqurylym salasyndaǵy áriptestikti nyǵaıtý joldary da talqylanǵanyn atap ótti.

— Tıisti mınıstrlikter men operatorlarǵa naqty yntymaqtastyq tásilderin aıqyndaýdy usyndyq. Energetıka salasynda osy mańyzdy mıneraldardy óndirý jáne óńdeýge, qosylǵan quny joǵary óndiristerdi damytý úshin ózara is-qımyldy kúsheıtýge kelistik. Oǵan qosa, beıbit atom energetıkasy boıynsha tájirıbe almasý múmkindigin qarastyrdyq, — dedi Qasym-Jomart Toqaev.

Buǵan deıin Serbııa Prezıdenti Aleksandr Výchıch Qazaqstannyń eń joǵary nagradasy «Altyn qyran» ordenimen marapattalǵanyn jazǵan edik.