Qazaqstan men Serbııa astanalary arasynda tikeleı áýe qatynasy iske qosyldy

ASTANA. KAZINFORM – Qazaqstan men Serbııa astanalary arasynda tikeleı áýe qatynasyn qosý týraly kelisimge QR Prezıdenti Qasym-Jomart Toqaevtyń Serbııaǵa sapary kezinde qol jetkizildi.

Joba QR Syrtqy ister mınıstrliginiń jáne Serbııadaǵy Qazaqstan elshiliginiń qoldaýymen múmkin boldy.

«Astana men Belgrad arasyndaǵy tikeleı reısterdiń ashylýy Qazaqstan men Serbııa arasyndaǵy baılanysty nyǵaıtýdaǵy mańyzdy qadam bolyp tabylady. Jańa baǵyt eki el arasyndaǵy bıznes, týrızm jáne mádenı yntymaqtastyq úshin jańa jol ashady», – dep atap ótti QR Kólik vıtse-mınıstri Talǵat Lastaev.

Qazaqstan men Serbııa arasynda vızasyz rejım qoldanylady. Ushý uzaqtyǵy - 5 saǵat 40 mınýt. Bul baǵyt boıynsha jolaýshylar tarapynan joǵary suranys kútilýde – alǵashqy reıste 92 jolaýshy boldy. 

Astana-Belgrad-Astana reısteri aptasyna eki ret (dúısenbi jáne beısenbi) zamanaýı Boeing 737 ushaqtarymen oryndalady.

Aıta keteıik, Almaty men Varshava arasynda keler jyly tikeleı reıs ashylady.