Qazaqstan men Serbııa áskerı-tehnıkalyq yntymaqtastyqty kúsheıtedi
ASTANA. KAZINFORM – Búgin Quryltaıdyń jalpy otyrysynda «Qazaqstan Respýblıkasy Úkimeti men Serbııa Respýblıkasynyń Úkimeti arasyndaǵy áskerı-tehnıkalyq yntymaqtastyq týraly kelisimdi ratıfıkatsııalaý týraly» zań jobasy ІI oqylymda qabyldandy.
– Qazaqstan Respýblıkasynyń Úkimeti men Serbııa Respýblıkasynyń Úkimeti arasyndaǵy áskerı-tehnıkalyq yntymaqtastyq týraly kelisim 2023 jylǵy 29 qarashada Belgradta jasaldy. Kelisimniń maqsaty – ulttyq zańnamalaryna sáıkes Qazaqstan Respýblıkasynyń Úkimeti men Serbııa Respýblıkasynyń Úkimeti arasynda teń quqylyq qaǵıdaty negizinde ózara tıimdi áskerı-tehnıkalyq yntymaqtastyqty belgileý jáne odan ári damytý, – dedi zań jobasyn tanystyrǵan Quryltaı depýtaty Almat Jókebaev.
Sonymen qatar, kelisim aıasynda áskerı maqsattaǵy ónimdi eki eldiń bir-birine jetkizýi kózdelip otyr. Oǵan qarý-jaraq pen áskerı tehnıka, jumystar men kórsetiletin qyzmetter, yntymaqtastyq barysynda ázirlengen nemese berilgen zııatkerlik qyzmet nátıjeleri, sonyń ishinde olarǵa arnalǵan aıryqsha quqyqtar, áskerı-tehnıkalyq saladaǵy aqparat pen qujattama jatady.
Kelisimdi ratıfıkatsııalaý Qazaqstannyń qorǵanys-ónerkásip keshenin odan ári damytý úshin qolaıly jaǵdaı týǵyzbaq.
Aıta keteıik, buǵan deıin Quryltaı memlekettik nagradalar týraly zań jobasyn maquldaǵanyn jazǵanbyz.
