Qazaqstan men Saýd Arabııasy polıetılen jáne metanol óndirý jobalaryn birlesip qolǵa alady

ASTANA. QazAqparat - Astanada QR Energetıka mınıstri Qanat Bozymbaev Saýd Arabııasy Koroldiginiń Energetıka, ónerkásip jáne mıneraldy resýrstar mınıstri Halıd Abdýlazız Ál Falıhpen kezdesti, dep habarlaıdy mınıstrliktiń baspasóz qyzmeti.

Mınıstrler kezdesýi Qazaqstan jáne Saýd Arabııasy Memleket basshylary arasyndaǵy Er-Rııadta 2016 jyldyń 24-25 qazanyndaǵy qol jetkizilgen ýaǵdalastyqtar aıasynda ótti.

Kezdesý barysynda «Birikken hımııalyq kompanııa» JShS (hımııa salasy bóliginde údemeli ındýstrııalyq-ınnovatsııalyq damytý jónindegi memlekettik baǵdarlamanyń operatory) jáne «SABIC» ((Saudi Basic Industries Corporation) - hımııa jáne metallýrgııa ónerkásibinde mamandandyrylǵan jarııa aktsıonerlik kompanııasy (Álemniń iri munaı-hımııa kompanııalarynyń bestigine kiredi, Saýd Arabııasy Koroldigi) arasynda eki jaqty Yntymaqtastyq týraly memorandýmǵa qol qoıyldy.

Kórsetilgen qujat Qazaqstandaǵy polıetılen, polıpropılen jáne metanol óndirý boıynsha jobalardyń iske asyrylý múmkindikterin zerdeleýde negiz qalaýshy bolyp tabylady. Memorandýmǵa «Birikken hımııalyq kompanııa» JShS-nyń Basqarma tóraǵasy Jeńis Óserbaı jáne «SABIC» kompanııasynyń Bas dırektory ıÝsef Al-Benıan qol qoıdy.

Qazaqstan Respýblıkasy Energetıka mınıstri Q. Bozymbaev kezdesýde atap ótkendeı: «Memorandýmǵa qol qoıý munaı-gaz salasyndaǵy yntymaqtastyqty nyǵaıtýdyń jaqsy úlgisi bolyp tabylady. «SABIC» kompanııasynyń tájirıbesi álemdik úrdisti eskere otyryp, munaı-hımııa jobalaryn iske asyrýdyń tıimdi modelin daıyndaýǵa kómektesetindigine senim mol».

Kórsetilgen jobalardy Atyraý oblysyndaǵy munaı-hımııa aımaǵynda iske asyrý josparlanýda. Osy aýmaqta salyqtyq, keden jáne basqa da jeńildikter kózdeıtin arnaıy quqyqtyq rejım qarastyrylǵan.