Qazaqstan men Saýd Arabııasy ǵarysh salasyndaǵy yntymaqtastyqty nyǵaıtpaq

ASTANA. QazAqparat- Astanada QR Qorǵanys jáne aeroǵarysh ónerkásibi mınıstri Beıbit Atamqulov pen Saýd Arabııasynyń Korol Abdel Azız atyndaǵy ǵylymı-tehnıkalyq qalashyqtyń prezıdenti doktor Týrkı ben Saýd ben Mýhammad Al Saýdpen kezdesti, dep habar beredi «QazAqparat» HAA tilshisi.

«Kelissózder barysynda ǵaryshtyq qyzmet salasyndaǵy ekijaqty yntymaqtastyq baǵyttary talqylandy. Kezdesý qorytyndylaryna oraı birlesken jumystardy iske asyrý jónindegi jol kartasyn egjeı-tegjeıli ázirleýmen aınalysatyn jumys tobyn qurý týraly sheshim qabyldandy», - delingen mınıstrlik baspasóz paraǵynda.

Mártebeli qonaq Astanadaǵy Ulttyq ǵarysh ortalyǵynda bolyp, elimizdiń ǵarysh salasyndaǵy jetistikterimen tanysty.

«Qazaqstan ǵarysh salasynda qysqa ýaqyt ishinde úlken nátıjelerge qol jetkizdi. Biz sizdermenzamanaýı ǵaryshtyq tehnologııalardy paıdalaný boıynsha yntymaqtastyq jasaýǵa múddelimiz», - dedi Saýd Arabııasy Ǵylymı-tehnıkalyq qalashyǵynyń prezıdenti.

Eske sala keteıik, «Qazǵarysh» pen Korol Abdel Azız atyndaǵy Ǵylymı-tehnıkalyq qalashyq arasynda ǵarysh keńistigin beıbit maqsatta zertteý jáne paıdalaný jónindegi yntymaqtastyq týraly bazalyq kelisimge 2011 jyly Er-Rııad qalasynda qol qoıylǵan bolatyn.